故事...

好耐以前

喺呢個地方有一個''英雄''

佢滿腔熱誠

希望用佢本身既能力,可以為呢個地方帶嚟改變

其間

佢認識到一班志趣相投既人

雖然性格唔同

但大家都有同一個理想

為呢個目標而奮鬥

''英雄''與志同道合既呢班人一齊

運用各自唔同既能力喺呢個地方盡展所長

互助合作,互相幫助

偶有爭吵,和氣收場

過了一段大家都認為係人生最美好最歡樂最純真既日子

快樂唔會停底喺身邊

就好似一架火車

要趕住要令世上其他人都可以搭乘

冇可能永遠停留喺一個月台

總會有開出既一刻

呢一日

終於嚟到

命運令佢哋要各散東西,各奔前程

喺呢個地方說再見

無奈下各人都要接受這必然既局面...

向住唔同既世界出發

''英雄''唯有孤單咁向着未知既未來獨自上路

起初

''英雄''仲對自己既能力有啲自信,雖然冇咗佢哋喺身邊互補不足

但都足以應付面前既問題...只係辛苦一點點

佢都相信大家遇到同樣既問題亦會咬緊牙關面對

繼續默默咁守護着心中既理想...

時間

總會係人類呢種生物最大既敵人

既能耗損生命,更能磨滅意志...

日子一日一日咁過

漸漸

''英雄''開始發覺到佢本身既能力原來並不為人接受...

社會一路發展一路轉變

當初受人尊敬既''英雄''...今天只不過倫為凡人一個

再冇人欣賞佢既能力,更冇人記得佢以住既光采

甚至

開始有人嫌佢幼稚...

發緊夢...有乜用...成熟啲...實際少少...不合時代

攰...

除咗身體感覺到之外

連''心''也開始緩慢起來

已經冇咗當初嗰種雀躍,火熱...

望住自己呢個已遍體鱗傷既驅體

''英雄''不禁問自己

''到底做緊セ嘢...為咗啲乜嘢''

''...得到過啲セ...失去咗啲乜...佢哋根本就唔需要我''

''所謂能力....會唔會只不過真係一種興趣''

''....從來都只不過喺度一廂情願...''

''我既歸屬...到底喺邊度...''

一堆堆沒有確實答案既問題充塞着''英雄''既腦入面

不停咁質問...不斷咁否定

懷疑自己存在價值既''英雄''

終於倒下

終於被''現實''呢個''敵人''徹底擊倒

喺呢個黑白癲倒既世界...

再沒有理想

再沒有成功

再沒有...愛

一切一切...只有腐敗....只有墮落

妥協...繼而同化

那個夜晚

''英雄''望住無盡長空

仰天長嘯

...

世界並冇因佢而改變...只係世界正逐漸改變佢

逐漸...侵蝕佢

他的心...

他的靈魂...

從此黯然無光...

消失於無邊天際

...