蒸南瓜蛋糕

早前0係十蚊店買左包蒸蛋糕mix粉,今日就用左一半0黎整呢個南瓜蛋糕。好易整啦!好似拜神0個d鬆糕咁!真係好懷念~令我諗起細個0既時候。(又開始想當年...)

細個grandma在生時成日都整好多野去拜神,拜完就叫我地食!我同一班表兄弟姐妹真係食到厭啦! 於是就拎個大發糕0黎玩遊戲,令自己食都食得好玩d! 其中幾個表哥就扮鬼,話食左d大發糕就唔捉我地!但有時限0架喎!所以我地其他人就0係到勁玩勁食...好快就幫grandma清左0個個發糕。真係好無聊啊! = =

今次加左蒸熟的南瓜粒入去,再灑d南瓜子! 呢包粉果然好過之前自己mix....鬆好多! 不過,天氣太熱!放一日就開始變啦~要快d食。

材料(9個份):

蒸蛋糕粉 150 g

水 100 ml

南瓜粒(蒸熟) 50 g

南瓜子 隨意

做法:

1.蒸蛋糕粉加水拌勻後加入南瓜粒拌勻

2.分別倒入模中,灑上南瓜子

3.以大火蒸15分鐘即可