日本七天自由好彩之旅-Day 3

2007-02-27

Day 3: Disney Land

今日既行程本來好簡單，就係去Disneyland，但因為今晚轉酒店，又驚去完Disneyland 太夜所以一早起身去咗Asuka Hotel放底啲行李先搭JR。

我地去特登今日去Disneyland既原因就係佢地今日既開放時間係最長o架！由朝早八點半至夜晚十點半，我啲朋友話我知日本既Disneyland同香港唔同，星期一至日都係咁多人，所以我地咪就最長既開放時間去，諗住至少都多啲時間排隊嘛！

結果我地大約八點四十五就到Disneyland，其實我地大約八點半就己經到舞浜駅，

但由駅行去都差唔多要成廿分鐘呀！行到我地死死下‧今次我地揀咗Land嗰邊玩，主要原因係我個Dip Dip唔太鐘意玩機動遊戲，而且佢又無去過香港嗰個Disneyland，咪同佢玩下囉！

嘩！真係超多人！我同Dip Dip一開始就去咗﹝探險樂園﹞度座火車同船

之後先記得應該去攞咗Fastpass先(各位下次去記住喇)，跟住到附近既Fastpass，要等成個鐘到先有得玩，我地本來諗住玩住其他先，但一切都太遲喇！有興趣既都超多人排隊，而我同個Dip DIp都唔想花太多時間排隊，於是我地改變策略，"診"天氣好就週圍同影相，差唔多時間就去玩‧玩完之後本來想攞多個Fastpass，但又係一切都太遲，所有Fastpass都派哂lu，我地唯有去食咗飯先，跟住睇巡遊。

我地揀咗去愛麗斯間餐廳諗住食好啲，但原都係好似快餐店模式，先取食物跟住俾錢，

但其實咁都好，唔驚佢漏單嘛，而且你買完野佢都會幫你揾位，所以都唔錯，而且價錢仲唔係好貴，一個餐都係一千Yen 多啲，喺佢地入面買個熱狗都要成四百Yen‧所以都建議大家可以試下。

食完野，都差唔多時間睇巡遊(啲好位己經俾人霸咗lu)，佢地個巡遊同香港嗰個差唔多，但就始終啲車都係靚啲，人物又多啲。

睇完巡遊後，又周圍影相。到咗四點多，啲相都影得差唔多，我地又見有啲機動遊戲好似己經冇咁多人排隊咪玩下囉！其實佢地好多遊戲同香港都差唔多，多數都係轉嚟轉去，但就大啲同靚啲，尤其是Winnie the Poon

就真係靚過香港嗰個好多，玩既時間長啲呀，唔怪得之咁多人排隊。玩玩下，我地唔知唔覺都玩咗唔少機動遊戲。

咁多個遊戲之中我反而極度推介佢地個鬼屋，初時仲以為好恐怖，但原來都係好似Winnie The Pooh咁座喺架車度帶你轉嚟轉去，但就好特別同好靚，你地去玩下就知架喇！

我地特登玩到咁夜就係想睇佢地個煙花表演，但佢地指示好唔清楚，攪到我地行咗好耐先知正確位置，而且佢地個煙花表演反而冇香港個咁靚，可能因為無咗個城堡啦！

睇完Show我地就把握最後機會掃貨，最後都差唔多成十點多先走。返到酒店都成十一點幾lu，講番間酒店就真係同我地之前住嗰間民宿差好遠，一眼睇哂，

都唔駛多介紹，不過我啲firend話我知日本啲酒店都係差唔架喇，無計啦！地價貴嘛。唉！初時仲諗住擔心間民宿唔掂先訂多晚酒店，點知掉番轉，早知唔轉好過lu，仲唔駛搬來搬去