日本之旅

各方好友

小妹明日就會展開籌備一個多月的東京日本七天自遊行喇！好興奮呀！其實識我既朋友都知道我由一開始籌備今次旅行都己經好開心，冇計啦！放假難，儲錢去旅行更難‧既然係咁就挭係盡力開心啦！咁樣好似抵啲嘛‧

幾經辛苦，搜集各方資料同分析各位意見，現在行程暫定如下：

Day 1   香港 > 東京

             相信Settle down後都差唔多天黑，所以只會喺新宿附近行下街

Day 2   築地 > 淺草(個firend 極想去雷門寺) > 上野 > 汐留/台場

Day 3   Disneyland (都相信我地會玩成日o架喇)

Day 4   自由之丘(原本冇諗去，但見啲Blog友極力推介嗰度啲甜品，我呢個甜品怪又點可以唔去呀！) > 原宿/涉谷 (真正展開我地既Shopping之旅)

Day 5  晨早搭小田急去箱根 > Check in 後去強羅 > 雕刻之森 >再搭"賊船"去蘆之湖

Day 6  小王子博物館 > 東京

Day 7  我個firend 會搭早啲班機走先，而我就送佢到上野，我喺嗰度買埋手信先去機場返香港

最後介紹埋我今次另一旅行partner，就係呢個"攪蛋Melody"喇！本來係Twin Star o架，但我揾嚟揾去都買唔到啱心水既，又記得個firend莉莉安近日既新歡就係佢，所以就揾咗佢喇！

好啦！講到呢度先啦！因為我仲未執行李呀！返嚟再同你地報告啦！