Jimmy's Kitchen

之前約左一個同年同月日生的朋友Lilian一齊預祝生日，咁特別既日子梗係要間特別既餐廳食餐好啦！今次我地就Open Rice度揀呢間Jimmy's Kitchen。其實呢間餐廳我之前都好多雜誌度睇過佢既介紹，知道佢同太平館一樣都係一間歷史悠久既餐廳。

我地滿心期等去到尖沙咀阿士厘道一楝商業大廈一樓，推開一道厚厚既大木門，步進暗黃燈光的餐廳，侍應帶我地到靠窗邊的位置，這裏的客人不多，全店都彌漫著懷舊時光的味道。

枱上擺放著黑椒、鹽樽、電動蜡燭、酒杯、餐巾，最特別係張都有一 碗好似桑寄生茶既，你地估下係什麼！我地後來分別問成三位侍應先知原來係洋頭仔，味道同作用就好似廣東人既頭。

你地係咪好奇怪點解我地要問咁多侍應先知，一來佢地既侍應有唔係好識講中文，另外又好似好趕時間咁，講完都唔理我地明唔明就走左去 想問多都唔得，而且問佢地啲菜式有咩分別，佢地都好似唔多答得出，呢樣係我覺得呢間餐廳最唔好既地方。

講番開心野，佢地既菜譜除上用英文寫很多菜式之外，仲有好多以前既香港照相，你地又估唔估到呢地方而家變成點呢！

我地心大心細，諗成差唔多十分鐘，終於order一個 Set Dinner,餐湯要左佢地出名既焗洋蔥 湯，前菜係煙三文魚沙律、主菜我地要左加拿大牛柳及甜品人蔘Panna Cotta; 另外仲要左碗牛尾湯，主菜芒果鴨及要多客甜品炸雪糕。其實本來想加錢改個甜品人蔘Panna Cotta做Baked Alaska，但因為要加差唔多成百蚊，而且又驚兩個女仔食唔哂，所以淨係要多炸雪糕

Order左之後，侍應送來一盤麵包任我地揀，有法國面包、五穀包、烤提子包，我地差唔多樣都有試，味道不錯，但我都係鐘意食意大利菜 。 

跟住就係焗洋蔥湯同牛尾湯，焗洋蔥湯面層鋪了一層焗至微金黃的芝士，下面則是吸收了洋蔥湯的法國包，真係好好味，果然係招菜 。至於個牛尾湯都唔輸蝕，好多材料，好好味但我覺得如果稀少少會好。

至於個煙三文魚沙律就真係不值一提，好普通。

個主菜就唔錯，加拿大牛柳好有肉味，而且Side Dished一都唔"媽夫"，至於個芒果鴨就真係要讚下 ， D鴨好香，煮得好， 好淋又入味 ，雖然芒果就酸，但無計啦，始終唔當造，但個味同鴨都好夾 。最正既係連個Side Dished既仔都整得好好味呀！

對於我講完滿的一頓晚餐又點可以無甜品，跟Set Dinner個甜品人蔘Panna Cotta，我就真係覺得麻麻地，因為味道好苦，作為甜品真係怪怪地但Lilian就好欣賞，因為佢話好重人蔘味，而且仲好滑，所以真係見人見智，如果你鐘意食人蔘既都不妨試下既。至於我既甜品，首先見到侍應送一個表面金黃色的脆球，睇上去真係唔太吸引，但跟住侍應在球上倒了半杯Brandy，一點火，嘩 …你地睇幅相都見到「火勢」 幾猛，我影完相之後，「火勢」少之後，侍應再淋上士多啤梨醬。表演一大輪之後，終於開動喇，火辣既外層其實好似蛋糕，但經過火燒後，有少少香脆，至於與內層就係Vanilla雪糕，Brandy同Vanilla既味道都幾夾，味道唔錯。但我覺得玩野既成份居多，但千忻唔好睇少呢個看似小小既甜品，都幾飽肚架。

 總結講呢餐都食得幾滿意，埋單人大約300蚊，坦白講，純綷感受吓都唔錯，食物質素ok啦！但呢個價錢，我絕對相信有更好既選擇。如果大家有興趣可以試下啦