Dinner in 798 unit & Co

早排行過尖沙咀厚福街見到有層大廈個入口好鬼靚，後來行上去睇吓先知原來係一間意式餐廳，一入門口見到佢地好大個既開放式廚房同佢地既擺設己經令我好想揾機會去試下既嘢。

噚晚咁啱要陪Wing Wing食飯，所以即刻就諗到呢間"798 unit & Co."

你地睇下呢個就係大廈口個擺設之一，一睇就覺得好專業咁。

上一層樓一開門就見到之前話佢地好大個既開放式廚房，咁樣令我覺得佢地啲食物好乾淨，至少眼見乾淨。

你地睇下個枱上擺設係咪好Higi Class咁呢

我地兩個女仔叫咗一個"紅酒繪牛肉意大利飯"同"海鮮天使麵"，因為個環境真係幾唔錯既關係我地仲叫咗兩杯Cocktail，個名就唔記得喇！淨係記得紅色嗰杯係Red Wine加紅莓汁，而後面嗰杯好似Seven Up + Coke既野飲係Special叫Joey，係石榴汁加Vokca，我覺得呢杯比較好飲。

Order後，佢地就攞咗啲法國麵包嚟，坦白講啲麵包唔係好特別，但重點其實係隔離嗰個綠色既橄欖油蒜茸醬，好好味。

之後兩碟主菜嚟嗰時，真係一聲，咁少既，我地仲諗住一定有位食甜品啦！唔知係咪因為佢地咁大個碟既關係令我地有錯覺呢！我地食完之後都發覺幾飽喎。至於食物質素真係幾唔錯，啲牛肉炆得又"淋"又入味，意大利飯煮得又好食，真係無揀錯！

我之後見隔離枱啲甜品都好靚咁，下次真係要嚟試下