日本七天自由好彩之旅-Day 2

食完之後，飽哂！但因為旅遊書勁推介喺築地間玉子店，300Yen咪買件試下做宵夜都好‧(但我最後都係覺得麻麻地，可能我真係唔鐘意食啲又甜又唔滑既蛋)

行完後，我地原本諗住搭JR由日比谷線轉都營淺草線去淺草，點知我地行行下居然直接行咗去都營淺草線既東銀座駅，仲好唔駛轉車就去到淺草，大家都可以考慮下，因為真係好近，但咁樣就為我地今日既辛苦之旅埋下咗伏線喇！

去到淺草挭係要同個大燈籠影下相啦，之後都幾多野買，我自己就買咗兩大盒人形燒做手信(最後好後悔，因為其實機場都有得買，唔駛攞咁遠，而且之後幾日見到其他更有特色既)，最可惜就係間寺修葺，冇得影相

我地行完淺草，本來下一站係原宿既，但諗住又唔想轉車同同以抖下，咪搭營國銀座線去涉谷，因為之前喺築地既經驗，我地見涉谷同原宿只差一個站，就大安旨意以為好死近，各位如果去過日本就知我地實在大天真喇！

我地到咗涉谷諗住一路行街一路行去原宿，

點知原來差唔多要行成大半個鐘，好彩途中都好多商店，仲俾我地見到Three Minutes Happiness，裏面啲野都幾靚o架。

結果我地行到原宿好似都成六點，

怱怱忙忙行原宿，但由於啲鋪頭都差唔多收工lu，我地最後喺100Yen點掃咗貨就返新新宿lu‧另外唔知點解原宿街頭勁多Pancake店，所以我地走既時候當然唔執書買咗個嚟食。我既係朱古力蛋糕味，我又唔覺得超好味，但就比香港啲Pancake店好，勁多Cream又唔駛另外加錢咁老土‧

離開原宿去下一站，就返咗新宿思之橫叮度求其揾間麵店食碗蕎麥麵就番酒店休息Lu.行咗成日我兩個都攰死喇。