呢幾日不停作戰.....

又隔左好耐冇寫啦.....忙住攪好間屋啦........又忙住去打仗......吼....上上星期日開始作病，個日起身同老媽老爸佢地飲茶.....同阿妹玩個屎o靚妹又病呀.....又發燒又咳....同佢玩左好耐老媽先講....以為冇咩啦...飲完茶就返沙田開始有o的唔妥....有冇咁快呀......吼吼吼........星期一仲係假期架嘛........放假先o黎病.....唔通個天都唔鍾意我？............諗住抖陣就得啦.....點知越o黎越唔妥......夜晚仲發燒添......不過都係冇去睇醫生........星期一係屋企休息......睇住傻瓜仔做野......全身冇咩力......夜晚返傻瓜仔兩老屋企食飯順便囉左幾粒退燒藥食諗住食完好快冇事.......點知......個晚訓到第二朝.....成身好攰o的骨好痛....唔想郁怕一郁就會嘔......個種感覺真係好難頂呀.......吼........傻瓜仔要返工.....我就叫佢幫我打返公司請假....我再訓一陣......傻瓜仔去白豬準備返工........但我都訓唔到....因為太痛好似成身散晒咁....傻瓜仔去左返工之後冇耐我就起身沖涼去睇大夫......又發冷又發熱真係唔知想點........又全身冇力喎....行唔到快......幾經辛苦先行到去診所.....好彩冇人....我好快有得睇.....但係佢個度個冷氣好鬼凍（可能因為我發緊燒既關係）......去到登記....護士同我探熱...嘩.....好求其....對唔准我隻耳仔探架...不過都探到我發燒......仲係 102 度....有冇咁勁呀.......我記得我細個個時最勁個次都係 103 度之嘛.....個時燒到眼都劈唔大....仲要係我生日....今次 102 度好似好耐冇試過咁勁....之後入去睇醫生....醫生話我感冒......係醫生同我聽背脊同肺時....電話響起....我咪唔接囉 cut　左線先（心諗醫生咁聽緊我個肺同背脊架......咁咪聽到我個心跳係.... ' 亞架斯...dance.... dance....dance....囉）..........點知我收左線唔夠 5 秒又打o黎....我都係 cut 線啦....睇完出返去我都估到係傻瓜仔打比我架啦........我咪打返比佢囉....佢都係探心我o者....hehe....我咪話佢知冇咩事.......之後囉藥比錢閃人（承為 $18）  公司有醫療係唔同o的......慳返幾多架.....不過唔係比晒全數既.....一.一....  我傻瓜仔公司係架喎.....都係佢好o的.........睇完醫生....順便去埋郵局囉野....係呢個係屋企行去睇醫生再由醫生度行去買碗粥........再去郵局....再行返屋企.....估都估唔到呀.....足足用左一個鐘........平時既我（話晒我都有 turbo 腳之稱架嘛.....）我諗唔駛二十分鐘做晒......而家竟然..........唉....矛計.....病人丫嘛......返到屋企成身軟晒.....乜力都冇....諗住快快趣趣食粥食藥之後去訓啦.........碗粥食左五六啖冇咩胃口食....之後食左藥返房訓....訓之前傻瓜仔打左比我話 IKEA 送貨想 2：00pm 送問我 ok唔ok......我個刻緊係唔 ok 啦我咩力都冇連出街行一陣都喘氣.....我唯有推左傻瓜仔話唔得.....sorry 呢......訓左幾個鐘.....一起身成身汗......好熱........之後起身睇下好冇o的....好似好返o的啦....即刻 sms 我傻瓜仔....等佢唔駛擔心丫嘛......呵呵......之後叫傻瓜仔打比 IKEA 話而家可以叫佢送啦.....我行到出去啦....佢話大約半個鐘至九個字會到......點知等左個幾鐘......出到去接佢....個哥仔要我幫手囉野......我見咁細件諗住冇咩問題啦.....咪幫手囉....（其實佢遞到我面前叫我囉我唔好意思唔囉o者）......行行行......返到屋企....攪好晒簽收完......又再次成身散晒....冇力....係咪喘氣.....唉.....我真係冇用.......之後傻瓜仔就返o黎啦....佢好擔心呢....放心啦我會好快好返........

第二日我都係懶加攰唔想返工....都係請左假....呢日都係傻瓜仔走左之後冇耐我就起左身睇電視睇電視同睇電視.....都係冇胃口食野...求求其其食少少野食藥算....今日傻瓜仔會早半日返屋企因為攪屋企漏水單野....食環處o黎屋企睇......佢返到o黎見有時間整好個鏡櫃先......hehe 好大工程....睇住一個全新既鏡櫃比佢 '界刂' 開一半一半一半.....有o的可惜但唔咁做我地又放得唔靚......好彩做出o黎個效果唔錯咋....幾正......做做下有人o黎睇左幾個字......首先証實左唔係我地外牆漏水先啦....亦唔係倒汗水......証實左係樓上漏水.....佢地會出信比樓上同佢地做個測試......希望今次試到啦......約左佢地今日 9/7 做....等下結果囉....最好就快o的有啦....唔駛煩丫嘛....而家個廁所都未敢裝返燈上去.....唉日日摸黑白豬.....吼吼吼....最衰都係樓上.....吼...........之後送走左人我地就好趕咁去坐車搭船.......今日我返坪洲丫嘛.....好耐冇返去啦掛住搬屋整野.......好彩老媽佢地都體諒我........今日入去諗住囉部抽濕雞出o黎.....所以囉定車仔.....上到馬鐵.....傻瓜仔哎呀一聲..........先發現......kakakakaka  佢唔記得囉茶果呀.....佢一心想囉比我老媽試....hehe 我又唔記得喎......矛計....返轉頭又唔夠時間又 side 錢....唯有下次囉......hehe........返到去....見到老媽佢地仲見到阿妹添....佢見到傻瓜仔又掛住同佢玩.......而家仲熟過我添......一.一'|'  （呷醋中）.....吼.......食完飯坐左陣睇左陣電視.....又準備出返去啦......老媽問我要唔要焗爐我緊係要啦...hehe 第時可以自己整下野食丫嘛....好野又慳返......坐船出去返到屋企整埋野攪下攪下都成點先訓......

第二日返到公司個個都問我有冇事.....haha.....ok la.....冇咩既......不過依然冇胃口.....只係想快o的放工囉.......hahahaha........ 放工去左旺角打毛球....諗住有七個人無氣都唔怕啦....有人換......點知.........有兩個甩底.....又有一個遲到早閃....唉....我又走都走唔郁.....無力跑呀......所以個日打得唔開心架......我又知我冇走....傻瓜仔都有少少打到炆....冇計啦......我未好晒丫嘛.....我都想打好o的.....