10月4日 睇樓團+工商盃

今日節目豐富, 令本來打算好好休息留狀態打比賽既我變得乏力.

中午和魚等人午飯於馬鞍山後, 竟然全世界陪佢去睇樓, 我同老公充當司機, 間野真係cheap, 自己唔出車車個客, 算啦, 反正佢話趕時間, 我幫得就幫, 誰不知呢個趕時間真係一點都唔趕時間, 我們好像睇了三個鐘頭.

住慣現在的環境, 上到樓, 周圍都好焗, 有點不習慣, 就算是望海的單位, 我倆都有種唔知點既感覺, 不過最緊要係佢兩公婆鐘意, 住得好, 開開心心!

晚上既工商盃, 青衣打, 去番呢個場, 令我份外有心機, 這裡的回憶實在太多....

本著輸少d既心態完成球賽, 誰不知第一局就比我地贏左, 真係好開心, 其實, 贏輸對我來說一點都唔重要, 我一直擔心既問題係, 我自己呢邊帶了三個人來, 如果打得唔好就有點... 唔識講, 所以我一落場就淨係識叫自己要打好自己, 令流沙既隊友放心之餘, 我仲要令佢地淡淡定定, 不過, 隊友真係好叻, 大家都做好了自己做大既能力, 對一隊完全沒有夾過既球隊黎講, 今晚既表現直頭係超班!

這兩個鐘頭實在太享受, 多謝老公陪我去比賽(你真係威, 我從來都唔比男友去睇我比賽的), 多謝phine phine 為我們預備了整齊既戰衣, 更加要多謝各位隊友, 你地完成了我多年既夢想, 我一直也想流沙女子隊可以出去打下比賽吸收下經驗, 是你們造就了這次的機會, 在場上, 七個來自不同隊既人同心合力, 互相鼓勵同提點, 沒有埋怨, 呢d先係隊友架o麻, 這場波, 我們贏了寶貴的友誼!!! 

多謝老公! 多謝思思! 多謝phine phine! 多謝家安! 多謝啟佩! 多謝琦嫂! 多謝雪儀!