4/5/09～Euro. trip day 27：西班牙西維爾(1/2)～穿梭於迷宮似的聖十字區(猶太區)

Euro. trip day 27：晴

離開馬德里，搭地鐵到阿度查火車站再轉火車直驅西班牙另一大城市～西維爾，車程為2小時20分鐘。

西維爾位於西班牙南部的安達魯西亞(Andalucia)，氣候炎熱，仿似西班牙人既熱情。

由於我地喺西維爾所住既Hostel鄰近火車站(喺地圖上所見)，故落火車後便提著重重的行李徒步前往，步行咗差唔多半粒鐘先抵達Hostel。可是，我地離開火車站之前忘記了留定往巴塞隆拿既火車位，最終......(後話)

此Hostel位置唔錯，鄰近旅遊景點，亦喺大街既旁邊，買嘢都頗方便，而內籠亦幾光猛。

此處為Lobby，Hostel共放置三部電腦供住客使用。

離開Hostel，我地徒步折返火車站，預留下一站往巴塞隆拿既火車位。雖然西維爾往返巴塞隆拿既火車班次頻密，但我勢估唔到，往返兩地既人流亦很厲害。到我地埋到櫃位訂位時已經選擇無多。職員Show咗班次表俾我地睇，頓時晴天霹靂！因只剩下一班通宵車及一班日頭既長途車供選擇。最終我地無奈咁揀咗日車(12粒鐘)往巴塞隆拿，快車一般六粒鐘便可到達，而慢車則站站停，今次真係浪費哂時間，而留位費為13歐50。

去到西維爾，天氣比馬德里熱得多。離開火車站，喺火車站既正門轉向右方走(西維爾既最主要景點全部喺火車站既西邊)，唔好走錯方向呀。我地喺火車站前既巴士站搭巴士(繳付2歐40)到市中心。

下車後沿著窄小既街巷，嚟到聖十字區(猶太區)

喺聖十字區，我地穿梭於窄巷，但條條巷都差唔多樣子。雖然Hostel有提供地圖，但亦不易應付。

聖十字區內既餐廳消費唔平，我地依頓簡簡單單既午餐已經用上17歐羅。

沿著電車路往河邊方向走，會途經西維爾大教堂(Catedral)，雖然佢無其他歐洲國家既教堂咁高聳入雲，但以面積計，佢絕不失禮，好靚好宏偉。

離開河邊後，我地走到西維爾另一大景點～西班牙廣場。往西班牙廣場既沿途無遮無掩，三十幾四十度既溫度下等同乾煎。

抵達西班牙廣場既門前，見有檔售賣雪條及飲品既車仔檔，一於坐底飲杯嘢才入場。

個人認為西班牙廣場係到西維爾既人必去之處。

待續......