澳門篇 (第二集) – 正宗葡國菜在船屋

Day 2 – Thursday (5-4-2007)

船屋 > 金沙 > 漁人碼頭 > 禮記 > 大炮台 > 大三巴  > 議事亭前地 > 珠海 > 大草原羊肉坊

今日12點check out，坐11號巴士去船屋食葡國餐，點知去到既時候爆左棚，最快都要等到兩點，於是我

地去對面茶餐廳食住豬扒包先。等到兩點剛好。

船屋老闆係葡國人，用正宗既葡式煮法，所以味道的比較濃，叫左豬耳沙律、欖油香蒜炒蜆、葡式燴海鮮

飯、紅豆豬手、焗馬介休魚仲有葡啤super bock。

欖油香蒜炒蜆係我的至愛，好有蒜香，欖油唔油膩。好鮮甜！燴海鮮飯依舊好多海鮮，豬耳沙律又香口，

配埋酒味濃烈既super bock係好正架！

食飽之之後就去左金沙放低晒d行李先，跟住就去隔鄰漁人碼頭行下。最終入左去巴比倫娛樂場，但場比

較細，但有幸睇到連開13舖大既奇景。玩左一陣就走啦！

之後坐的士去荷蘭園大馬路既禮記雪糕，一間懷舊既雪糕店，去到既時候都好多人，叫左花生味雪糕磚、

三文治雪糕同紅豆雪條。花生味雪糕磚好似食緊凍既花生醬咁。三文治雪糕盒上面既孖邊妹係老闆個細妹

黎，味道就好似我細個食既差唔多，但舊雪糕好細，好懷念新加坡街邊既三文治雪糕，脆威化加大舊雪糕

！

另外值得一提既係佢地既自制紅豆雪條，好多紅豆又唔太甜，好好食！最有風味就係當你叫雪條既時候，

老闆會「好有禮貌地」掉條雪條o係張枱上面，好特別既服務態度呀！

食完甜品我地就行上山，有架好新既lift坐上去，大炮台上面有澳門博物館，但係關門了！

o係大炮台沿住樓梯行落去大三巴牌坊。

之後再行過去議事亭前地。呢個時候已經入黑了！

o係新馬路坐番巴士去金沙攞番d行李，坐金沙既關閘專車，向珠海出發喇！

o係珠海關口坐的士去粵海酒店check in，這間四星級酒店只須3百多元，都算便宜呢！

我地行完附近既蓮花路之後，就坐的士去大草原羊肉坊食飯，食最出名既羊肉火煱，果然係不俗，難怪周

星馳都幫趁啦！

跟住我地番左去蓮花路既卡丁車賽車場，玩10分鐘都係35蚊，呢個係室內賽車場，超多彎，阿bean肥車同

我玩左10分鐘，已經好鬼累啦！