食在廣州

食在廣州呢句話相信人人知。但究竟有咩好食呢

有幾樣野如果去廣州既話一定要去試下…

順德陳添記

呢間小店係o係上下九附近寶華路既小巷，o係古舊既西關屋出面食野，都幾有地道風味。

呢間店得幾樣野食，分別係魚皮、艇仔粥同埋腸粉。

招牌食品就係20蚊一盒既魚皮。超多人外賣拎走。佢係用鯇魚皮加入一d醬汁同配料，唔好以為魚皮會好腥，入口係一d鯹味都冇！而且好爽口！好味！諗番都想食多幾次呀！

順記冰室

呢間店都係o係寶華路，極力推介呢度既椰子雪糕同芒果雪糕。雪糕係自制既，食落口好香好滑！只係賣6.5蚊一杯，唔洗食咩哈根打死啦！

南信雙皮奶

o係人來人往既第十甫路，至出名就係雙皮奶。雙皮奶好滑好香奶味，如果加d芒果仲好食架。另外要試埋上湯牛三星，我唔知係牛既咩部分，但係食落幾爽口。

泰樂

泰樂係一間酒樓，黎到一定要試一試呢度既冰鎮黃鱔，用冰鎮住熟左既黃鱔，凍凍地點d醬油同wasabi一齊食，幾正架！爽口得黎又不失鮮味！

一級棒

位於地鐵長壽路站既恒寶廣場，有得食超平三文魚刺身，每斤只係46蚊，唔好以為平野冇好。d三文魚係好新鮮架！抵呀！

如果去開廣州，不妨試下呢幾間食店呀！