火宅之人

這個星期簡直做了火宅之人，總是在燥火中渡過，而且諸事不順，
差不多足整個星期。

相機鏡頭相繼出事。部用左未夠一年既Canon Eos 40D短時間內
第三次入廠維修，Canon啲維修又差，無事的地方可以整度有事
真係有無搞錯。還夠膽打電話來做售後維修服務問卷調查，當
問到對維修師父滿意程度時，1分最好，5分最差。而我比最差，
之後有怪事出現，就是那位電話調查員不停地喂，彷彿聽不到我
說話，最後還Cut埋線。但問題係我部電話接收顯示明明良好全滿，
咁究竟係我部電話接收有問題？我答的答案唔合乎佢心意？還是
佢有問題呢？

鏡頭又壞，日光日白都無法對焦，醫返都無用，又要花幾千蚊買
過另一枝，正式貼錢打工。

工作時又遇到班人阻頭阻勢，簡直火上加油。

星期五，朋友約食飯當補祝我生日，結果在街上等她等了又等，
每次打電話給她都說要等多陣，結果等了差不兩個幾鐘，最後飯
都無食就返歸，因為己經到滿肚火，那有心情再與她食飯呀！
在等她的時候，我非常懷疑她究竟當我是Friend，還是追求她的
其中一個Fans。真的要搵個機會問下佢，如果識了她咁多年都是
後者的話，抱歉我真的無福消受。

今天工作安排上又出現問題，本來安排了兩個人分擔的工作，結果
要我一個人搞掂，再一次體會到甚麼叫能者多勞(勞碌個勞)。

明日是Sunday，麻煩讓我安靜地渡過，否則，爆血管都似。