好味, 元朗大榮華

檢視較大的地圖

元朗大榮華

尋晚去咗元朗大榮華酒樓食飯, 去到嘅時候都八點鐘, 咁高峰時間當然係要等位啦, 大約半個鐘, 就有位啦, 我喺100樣餸菜之中點咗, 五味雞, 蟹黃西蘭花, 拖地叉燒, 原窩排骨蒸飯 同 馬位榚 實在係啱晒口味.

蟹黃西蘭花, 有蟹肉, 咸旦黃同西蘭花, 菜好新鮮, 只係比較老, 所以硬咗小小. 味道剛好.

五味雞, 同醬油雞一樣, 咸甜剛好, 加上蔥油十二分好味, 還有就是沒有血紅色嘅雞骨, 但肉滑味香.

拖地叉燒, 呢樣真係要介紹一下, 有豬味, 肉香, 有肥但完全唔油膩, 只係差在碟叉燒太小啦, 唔夠食囉.

排骨蒸飯就最耐, 等左三十分鐘先到, 一睇到, d飯未乾, 心想不妙, 加蒸飯醬油, 不敢放太多, 3匙剛好, 然後一啖放入口, 飯軟, 醬油甜美, 排骨肉香, 比想像之中好得多.

到食完主菜之後, 叫上的馬拉榚上枱了.

四大塊等於八小件的黃色馬拉榚上啦, 用蒸籠上有好香嘅旦黃奶皇, 飽肚之下, 仍然食晒佢.

好滿足咁食飽離開.

元朗大榮華資料

安寧路 2-6 號 2 樓

2476 9888