平價旅行團

上星期日出發去了日本～東京；從構思到出發，三至五天，錢?機票加酒店HK$4048一個人!有興趣知道詳情嗎? 你無興趣?我都講你知!

第一天０５００起身準備出發，但０１３０先pack好行李....

0600（正價） 的士車我去機鐵站!

好多人都知道，２人行可以平ｄ，當然買了２人行機鐵票!!

０６３０Checkin後四維行，去大家樂食一個早餐先!!

食飽就入閘, 入到關又係用E道, 真係有d唔喜歡, 因為同上大陸開工一樣! 入到去, 見仲有d時間, 咪四維行下囉, 佐丹奴又去行下......發現機場真係靚左好多.

因為今次坐西北航空關係,所以一定又要搜多d,所以都係唔好最後先上機啦,去到見到條長龍就知道要慢慢排啦,香港真係特別嚴格, 打開晒個手提行李, 樣樣都睇下. 終於上到機!

今之坐係747-400都係一架好大架的飛機. 希望順利啦!

西北的空姐有點 "老", 我估同我咁上下年齡 , 不過做野就快手快腳, 真係幾好!

好啦,開機......起飛同降落都係我唔鍾意嘅狀況, 因為幾辛苦的壓力.  終於順利昇空......Good Luck!

全程要飛大約三個半鐘我都好清楚,飛o左一陣,大約一個鐘就派飲品啦,平時多數係派一杯,但呢個空姐就派一罐,哈又幾好喎.我要o左蘋果汁,慢慢飲!點知空姐一派完飲品就馬上派午餐,係!係!係午餐,十一點正就要食!!乜真係好趕時間呀?有雞同魚兩樣野可以選擇,我地兩個人就每樣要一樣啦,其實唔係好餓不過都食啦! 兩樣o野都唔係好好樣,不過食落去又唔係咁喎,所以原來外表真係唔可靠.味道上係真幾好,我估係香港廚房關係,知道香港人喜歡食乜味!

好啦食完一輪都係小休下啦,訓訓下有點口渴,因為機艙比較上係乾燥一d,按一下掣"我想要一杯可樂"!好快就俾左一罐百事可樂俾我,同一個杯!

當我正開始飲可樂時候,叮噹叮噹 ～扣上安全帶燈號著o左！我就一向唔除安全帶所以無所謂，但係．．．．．．我杯可樂就唔帶安全帶,廣播呢個時候響起,"我地會遇到不穩定氣流"! bon bon bon~全架飛機都跳舞咁～好勁!　而我手上面有一個有汽水嘅杯同一罐開左又飲左唔係好多嘅汽水罐! 但飛機就跳晒舞咁，好在我無放個杯去張食飯桌上面!不過我都無今佢流o左出o黎喎，幾好o野!

之後機長話過左氣流啦，我都知啦，都定晒啦!　但係仲有ｄ驚!好在都安全降落!

到o左機場,大家都好快咁行,原來個個人都好趕  ～趕住去廁所,真係呀好多人去呀! Heehee可能先頭真係好驚!

去完廁所發現"日本歡迎你"呢個Banner,仲有韓文,簡體中文,繁體中文,同英文,我估我國真係富有o左好多! 所以外國都有簡體字!

好啦,終於要過關啦,排左成十分鐘先到我o地,都算okay啦,我o地仲一齊過關,同入境人員講,We are togather!咁就可以啦!

攞完行李之後又過海關,佢地d英文好左好多!以前聽唔明,依家都聽到晒.佢地會問下你有無帶d唔準帶嘅o野入境,答完"No"就走得!!

今次已經係第N次到日本啦,所以可能大膽o左,試下坐d一般人都坐嘅車啦!因為機場有四仲鐵路可以坐,同一架巴士,同的士.當然平價旅行團就一定唔會坐的士,因為無錢坐!巴士方面,如果你有好多時間又唔怕塞車,的確係一個幾好的選擇,佢嘅費用同機鐵咁上下,但好處係去到你要去的酒店(大多數酒店都會去到)!車程一個鐘就得,但塞車就一個鐘都唔祗!

機鐵就三千幾日元,一車就到"新宿",個半鐘就到!

Skyliner就平小小,二千幾日元,又係個多鐘就到!不過有d站去唔到,要轉車同補票!

最平當然係我今次所選! 急行列車~1000日元去到日墓里轉JR去新宿就得,全張票1190日元,去到機場就買到,講俾佢知去"新宿",佢就會俾票你啦! 但係要成1小時50分先去到,如果好趕就唔好啦!!記住你張票可以入落o架JR入閘機轉去JR新宿站唔使再補票!

去到新宿站,我o地又係住華盛頓酒店!所以去左南口出,但係因為要去準備明天出發的箱根,所以要去小急田鐵路旅遊服務中心買票!

箱根係早年好多香港人跟團時必去的地方,後尾因為太多人去過,所以都無人去lu! 我o地去到南口的小急田中心,個服務員同我講你去lumin果間啦,咁我o地就拉住所有行李行去啦,因為有d唔知o係邊,所以都搵左幾分鐘. 去到外國人專用的小急田中心問佢買票啦,一個四眼仔用好好的英文同我講野,話俾我知可以買週遊票(其實我一早都知,因為我有上網睇).當然好歡迎佢咁對我啦,我地一路問一路傾,發現條友原來識聽廣東話同國語! 明顯係中國人!不過佢一路都同我講英文,我專登問佢"你識普通話嗎"!?佢said YES!

本來我都想搭白色浪漫列車,但係所有位都係分開坐,浪乜鬼漫丫! 所以都係買平票去啦! 4700日元,去到乜鬼公車都包晒!

你睇,富士山幾正!?

係咪好好feel呢!

我最愛的叮噹~多啦A夢!