祂為我預備居所 (1)

前幾日睇地產新聞，當中記載一則樓宇買賣記錄。大廈名稱「時尚華庭」，買家在08年中以約191萬買了低層一個單位，09年中以160萬左右賣出，帳面蝕約20萬。

特別留意呢段新聞係因為上年呢個時候係考慮置業，我都考慮過這楝大廈。這棟樓的地點其實都幾”吊腳”，不過因為自己較喜歡單棟式住宅，而售價在我能力範圍，單位間格亦不俗，露台面向南昌邨可以看到昂船洲，自住的話都算唔錯。

當日傍晚睇完樓的時候，心裏蠢蠢欲動想買其中一個單位，不過心諗：「都係今晚禱告清楚先。」當晚禱告後，很奇怪，心裏對這楝樓的熱誠突然急轉直下，覺得上帝唔係為我安排的。但第二日晏晝都請了半日假，再睇下日間的情況會係點樣。結果，視察完畢對這楝樓心如止水，再三禱告和朋友商量完後，最終打消了念頭。

記得呢段時間樓市已經係穩定咗而且有少許回升的跡象，當時可以揀的又有限(當然係自己沒有本錢)，所以當時都有少許失落，不過都係順服了那份感覺。

感謝上帝，祢最終為我預備咗呢個5星級的家。而睇到呢則新聞的時候，更加知道上帝冇點我行錯路，31萬……真係蝕唔起。

http://hk.news.yahoo.com/article/091021/9/esna.html