我的一位車友, 佢係空中工作趣事

事件一: 

我 :  先生, 我哋今日晚餐喺牛肉配馬鈴薯同白汁海鮮意粉, 請問你想試邊款呢?

客人 :  (佢嗰樣真喺好留心聽你講喎)  雞呀....

我 :  對唔住呀....先生, 我哋今日無雞喎, 或者你有無興趣試吓牛肉呀??

客人 :  我唔食牛肉喎....

我 :  我哋仲有海鮮意粉呀....

客人 : 好啦....我要豬肉啦.......

XYZ#%$^.....大佬呀....我由此至終都同你講得牛肉同海鮮, 幾時同你講有雞同豬呀????

事件二:

我 :  先生, 今日我哋有三杯雞肉配白飯同埋牛肉配馬鈴薯, 請問你想試邊款呢??

客人 :  雞?? 喺咩雞呀????

我 :  吓.......咩雞??雞咪雞囉, 唔通你想我話你知喺公雞定母雞??  走地雞定雪藏雞呀?? 咪玩我啦....(當然, 我緊喺心稔啦....)  先生, 你意思喺咪嗰煮法??  或者, 你要唔要我打開比你睇吓呀??

客人: 都好呀...

於是, 咪打開嗰餐比佢睇囉...

客人 :  小姐, 咁即喺咩雞嚟?

我 :  咪三杯雞囉....

客人 :  好呀, 我要呢嗰啦.....

頂.....我咪一早同你講三杯雞囉.....你想問啲咩呀???? 原來, 當我真喺唔知佢想問咩而求其答的時候, 佢就喺要呢啲答案,XYZ^&%^$

事件三:

客人 : 比杯好立克我...唔該...

我 :  小姐, 唔好意思呀, 我哋無好立克喎...

客人 : 咁益力多呀.

我 : 我哋都無益力多喎....

客人 : (黑面) 咩你哋咁大隻飛機咩都無???? 水有啦? 比杯水我啦....

唉......我真喺好想同呢為小姐講, 唔該你要知道呢到喺747(飛機)唔喺七十一呀......你估咩都有呀????