06.11.2009 (Fri)  晴

可能真係一種風氣, 近來似乎多了朋友開飛士卜, 令到好多阿虎常客都改了在飛士卜發佈消息, 確實飛士卜係有好多的方便, 隨時隨地更新自己的任何情緒或狀態, 又可以上傳照片、影片分享, 又可以搭咀講兩句以示存在及認同等等 , 而且仲可以搵番失散多年的舊友、舊同學之類, 好多人都會覺得好開心, 所以近來見到飛士卜的朋友都有些舊同學聚會、 又或者係陳年的照片(多數都係班相)分享, 大家又尋回昔日的記憶, 當然青蛙仔都唔例外, 一樣搵到一些多年無見的朋友或舊同學, 其實都唔係話全部都咁【welcome】, 當中有正亦有負, 有些人好開心你搵到佢, 亦有些人冷屁股對熱面孔, 敷衍了事, 根本就唔太想相認, 其實都係的, 多年都可以唔見, 唔一定要在今時今日先來相認吧, 因此在經過一兩次message之後, 都無加入在朋友名單上, 因為就算加入了, 都係大家當大家無到,  又何必呢? 而青蛙仔認為, 就算真係興高采烈的相認, 成班出來熱鬧食餐飯, 都要讓時間去證明友誼是否仍存, 日後無人再做搞手, 無特別維繫的話, 好快又會打回原形, 大家又唔知在幾多年後先再相遇了, 其實講來講去, 相知相遇都係一種緣, 緣起緣滅都有定數, 總之隨緣而來, 隨緣而去, 平常心去面對就無壞了。