網誌分類：我手寫我心 |
相信近日大家都會接觸到不同的捐款渠道，為的都係幫助地震的災民，人永遠都唔可以對抗大自然，可以做的唯有係齊心團結，互相幫忙，無論係出自真心、沽名釣譽、人做我又做都好，都總會對災民有幫助，聽到【六叔】捐一億出來，【大哥】同【楊生】合捐一千萬，都係令人感動的，反正這麼多的圈圈數字到最後都帶不走，這樣的幫忙都係好小的事吧！不過一次的捐款祗濟燃眉之急，災後重建條路仲有好長，大家都唔使一次傾囊而出，以後仲有大把捐錢的機會。
青蛙仔又想，最近有唔少平時接受經常性捐款的慈善機構，應該都幾頭痛，因為人人都爭相捐款畀地震災民，未必再有多餘錢了，呢個世界太多人需要幫忙，顧此就會失彼了，如果青蛙仔話你知暫時未捐錢畀地震災民而捐錢畀其他機構，會唔會受到歧視呢？哈！
送畀內地災民的一首歌, 希望中國人都會有雙隱形的翅膀, 飛到開心的地方!
13052008_01.JPG
12052008_02.jpg
12052008_01.jpg
Chen 2008-05-16 22:14
熨拓者 2008-05-16 22:13
妳有妳的紙幣我有我的硬幣放上
投入妳有妳的我有我的相互光芒
Diatom 2008-05-16 20:02
其實, 除左四川災民, 在這一刻鐘, 世界上仍然有饑荒, 疾病, ... 威脅著很多落後國家的災民。只要幫到人就得啦, 無分國界, 大家都係地球人嘛!