興記煲仔飯 @ 廟街 + 鴉打街牛雜

平安夜, 週街都係人, 隊長同二等兵都曾經為食咩而煩惱過, 又唔想大時大節俾人掠到一頸血 !! 本來我地都有去睇下 d 聖誕餐, 可惜食既野同平時差唔多, 但價錢就高一倍, 作為精明消費者既我地, 梗係再一次一反傳統, 响聖誕節食中餐 !!!

响街到四圍行, 行行下行到去廟街, 心血來潮不如食煲仔飯咯 !!! 橫掂上星期响銅鑼灣果間食到超唔滿意, 於是我地揀左呢間出名平既興記 ~~~

一眼望落去間間都係興記, 都唔知邊間係 ?? 大家請望下以下呢個牌, 提防假冒, 哇 ...哈哈 .... 想食既朋友記住唔好去錯呀 !!! (哈哈哈)

n 年未試過响街邊食飯喇, 勁有風味 !!!

呢度出晒名係煎蠔餅, 可惜二等兵同蠔餅無乜緣份, 次次食左都有事發生, 所以我地就叫左煎蝦餅 (小) ($20) ~ 

都幾多蝦, 味道唔錯, 配埋 d 蠔餅專用辣椒醬, 一流 ~

煲仔飯標榜最平 $18, 但我地叫左 $23 既臘腸滑雞煲仔飯, 不過 $18 既選擇都有 4 款, 真係幾抵架 !!! 

熱辣辣 !!! 雖然飯既分量係比平時少咗 d, 但以 $23 黎講分量都好 OK 了 ~

佢 d 豉油真係特別好食, 加上有 d 飯焦燶燶地既味, 真係掂過銅鑼灣果間好多 ~~

飯焦, 隊長至愛 ~

KO-ed !!!!

滑雞粥 ($20) ~~ 估計唔係真係煲仔粥, 不過幾好味喎, 粥底幾靚 !!!

$20 都幾足料架, d 雞都幾多 ~

豉汁炒蜆 ($35) ~~ 好惹味, 食到0雪0雪聲 !!!

咁辣既炒蜆梗係要啤啤佢啦 !!!

呢支哈爾濱啤酒都唔貴呀 ($16), 大可樂都係 $7 支 ~~

隊長仲未夠喉, 黎多個紅燒豆腐先 ($35) ~ 不過豆腐無乜味, 但點 d 煲仔飯豉油就剛剛好 !!!

本來想叫多個咖喱牛腩煲仔飯架, 但隊長話想食牛雜, 於是我地侵略到此 !!!

食完之後行返出黎, 原來已經排隊排到咁 !!!

Total : $156

食左咁多野, 又好食, 抵 !!!

------------------------------------------

隊長又發揮佢大食既本領, 剛才雖然仲可以食多個煲仔飯, 但佢話留肚食牛雜, 咁我地就轉返出黎繼續侵略 !!!

呢間野真係好鬼簡陋, 但條龍就源源不絕 !!! 真係咁好食 ??

排左 around 10 mins 就排到 ~

豬腸, 牛肚, 豬皮 & 蘿蔔 ($20)

都 OK 喎, 尤其係豬腸, 我地食完一致話下次要淨食豬腸 !!!