甜品革命 @ 旺角

今朝二等兵攞左份免費報紙介紹呢間甜品店, 同隊長講起, 原來咁啱又係隊長早兩日上網見到人地登過呢間既食評, 所以一於今晚試一試~

打開 menu, 見到有 top 10, 除左 top 10 之外仲有好多甜品選擇, 但係花多眼亂, 所以我地都係揀返 top 10 算喇...

呢個係必試之一, "黃金芝麻糊" (可以揀合桃糊) ($25)

一上枱有一陣強烈既葡撻味, 好香~

面層有層濃濃地既糖漿, 食落都幾特別, 試左幾啖之後就開始撈抣 d 芝麻糊~

但 d 芝麻糊就無乜特別, 仲有少少燶燶地既味 tim...

其實平時食芝麻糊就幾蚊一碗, 但多左 "黃金" 兩個字就貴成十幾廿蚊, 所以好似唔係好抵.........

呢個係 "炸榛子芝士窩餅拌雪糕" ($32), 雪糕可以揀雲呢嗱或朱古力~

配榛子芝士窩餅係好好味的~ 食落咸咸地又有少少甜甜地都幾得意~

至於生果, 都係夠鮮甜, 西瓜都有甜味; 而雪糕都好好味~

Total : $57

經過又想食下甜品, 可以一試既~~