走個人路線-少女juno

返到來香港，連續睇o左3套戲。先睇enchated，第二日再睇juno，之後一日睇埋長江7號。enchated同juno真係好好睇。尤其juno，簡直係睇戲以來最好睇電影。

幾個星期前，聽架勢堂的幾錢飛，聽到有關電影的評價，就好想睇。juno哩一套戲好似冇乜咁吸引咁，但係內容選角一流。冇o左ellen page演女主角juno的話，可以話哩套片可以使睇。

哩套戲出色在女主角juno講野o既風格。juno講野直腸直腸，聽落句句尖酸刻薄，但其實句句真心，不作美化。還有她我行我素，絕不跟風，令身邊家人朋友大傷腦筋。加上juno不乞人憎，睇得出幕前幕後實在花左不少心機。

現實中，類似juno的人絕不多。似juno的，也很難有佢般說話能力那麼高。很多人會看juno這些人為怪人，不理會別人感受，不合作，獨行獨斷，自我，全都是負面形容。我對這些人非常了解，一點也不負面，只好用有個風格來形容。描寫這些人，而又要寫得正面，得人喜愛，難度非常高。我覺得寫劇本的diablo cody同導演jason reitman一定好了解哩一類人，自己或者最親密的人可能有這類人。

juno發現大肚後，向家人交代事情時，juno媽媽的一句:你這種人一定好辛苦，就導出這電影的核心。現代社會也好，放棄己見，迎合他人是群體生活的人類社會中最核心的價值。但社會中乜人都有，少數的，偏風的，一定受人打壓，而且多數是來自無理的，非理性的原因。一如寫劇本的diablo cody，曾做過脫衣舞女郎。一定受盡白眼。但佢都去寫一套，寫到一套絕不負面，以這類人為核心主角的電影，是奇蹟。