十五、十六???

之前諗住停一排唔寫 blog 住架啦

但係今日唔知發咩癲

無端端亂衝亂撞又撞咗入嚟

唉.......

可能真係要重出江湖啦

呵~呵~

不過呢排真係冇乜好寫

日日返工十年如一日

根本冇乜大事發生

而且最近已經山窮水盡

莫講話出門旅遊

連想睇吓戲唱吓K都難

真係陰公

無辦法啦

自己大洗嘛

每次出糧唔夠兩個禮拜已經洗晒

其實自己有個好大嘅缺點

就係喺飲食方面我特別揼本

我都承認自己係食得之人

但主要係一隻食肉獸

好多時公司嗌咗一大堆食物返嚟

如果佢哋全部都食唔晒

起初都叫我做---清道夫---去搞掂埋其他嘅殘餘物資

但我慢慢駛出自己嘅後勁

導致最終令佢哋不能不稱呼我為 --- 焚化爐

而家我喺公司已經聲名大噪

凡有人食唔晒嘢

佢哋都會識得講一句話 : 唔駛驚，公司有一棟著名焚化爐

哈~~~哈~~~

呢間公司啲同事其實都幾幽默