香港人生活的艱苦!!!

香港人出晒名捱餐死

除咗係因為生活指素上升之外亦因為同其他國家有比較而產生出嚟

好多人唔懂得判斷事情好壞長短而且更是被迫長時間OT

個個一條心為生活而工作、為口奔馳

香港有俗語叫〝手停口停〞

而且工作時間又遠比其他國家長

現今已經好難搵到一份8小時工作嘅工

最少都要返9~10小時

搞到個個精神分裂

雖然話經濟開始復甦

但係貧富懸殊嘅問題從來未有實實在在咁正視過

政府始終都係將〝金錢〞同〝香港排行地位〞放喺第一位

從未顧及過香港嘅金錢同地位係由香港人共同努力而得返嚟

只會偏袒大富大貴嘅人

經常做全球首富排行嘅統計

並無了解過低收入人仕嘅需要

但係政府仍不忘要納市民嘅稅

我個朋友都覺得香港政府做法太自私

應該做又唔做，唔應該做就搏晒命去爭取

好多人都講喺香港要搵一份有前途嘅工做

我反而覺得香港並無一份可謂有前途嘅工作

應該叫做“比囚犯有些少自由嘅監房”

一個人要做幾個職位嘅嘢

但唔係每份工作都能夠學以致用

而且要完成一件工作並唔係一日半日嘅事

導致需要頻密加班

失去自己嘅私人時間、生活樂趣

每個星期多數只有一日假期

休息同瞓覺時間又少

運動量亦相對減少

面對住身心疲累而工作上又不能犯錯嘅壓力下

香港已經變成一個壓力都市

雖然香港係外間所講嘅一片福地

無地震、無海嘯、無火山、無龍捲風

但係如果將好處同壞處拉抣嚟比較

呢種生活就係一種災難

其實香港能夠有「國際都會」之稱

的確唔係〝浪得虛名〞