網誌分類：未分類 |
07/08年度英超聯賽最後一週的比賽 我地作客拖肥糖 結果慘敗3:1
小弟睇唔到場波 但睇返比賽統計數字 對手射門有20次 我地得3次 所以唔需要睇重播
咁就一季啦 總結下
季初bigsam黎到 有一個好好的開始 但之後愈打愈唔掂... (中間的事 忽略佢)保守足球並不是紐卡素的風格 結果辭職 雖然當時紐卡素的成績都並不是話太差 但始終達不到要求 再加上球迷同球員的容忍度已經達到上限 無辦法
之後 最令人振奮的事 就發生了 曾經帶領過我地 渡過一輪非常風光的日子的奇雲基瑾 再次上任 我記得果時我係深夜上網睇到呢個消息 即刻振臂高呼 而個網show左一張相 張相係以前 影住紐卡素操練的時候 基瑾教緊舒利亞的情境
此相即刻喚起小弟以往的記憶...紐卡素的波實在好睇到不得了 令我有一種 希望一個星期快d過 快d睇下一場波 的感覺 好耐無試過..
但基瑾上任後 並無帶來即時的正面衝擊 經歷左9場不勝 令球隊差d降入降班漩渦 幸好 一個成功的變陣 433 為紐卡素即刻拉返上岸 而且之後仲係7場不敗
可惜最後兩場都落敗而回 但都總算係一個大起大跌 而且非常精彩的一個球季(當然係唔洗護級先咁講)
今年最失敗的收購 一定係阿倫史密夫 此子的跌watt 最明顯就去到下半季 幾乎有佢份踢45分鐘或以前的球賽 就一定無得贏..
雖然而家講 實在太早 但都係 期待下個球季的來臨!
並不希望拎到任何冠軍,錦標 或者頭3名 最基本要求就希望球隊能夠盡量原班人馬 再加入幾名新球員 迎戰下季 希望能夠打返以前的紐卡素出黎!
