千挑百選千其唔好買中移動！騰訊前景未明！

941 中移動：

從去年開始，雲先生一直叫人唔好買中移動！原因好簡單，雖然之前暴利時期已過去，而家雖然用戶仲有增長空間，但係可惜來緊幾年用戶ADR可能會下跌，嚴重影響盈利能力。而家係大陸，電話費仲係比香港貴好多，雲先生覺得電話費下調壓力仲好大，至於 3G又點？請參巧和黃，自從有左3G，一年差過一年，你就知 3G呢樣野根本冇乜睇頭。中移動最好的情形只係橫行收息，所以唔值得投資。

700 騰訊：

騰訊之前係股王，但係呢隻股票賺錢係靠政策，主要係靠抄襲外地D好野自用，主要係抄ICQ發展，因為中國國內封鎖好多外國網站，另外，騰訊靠網上暴利遊戲來賺大錢，佢地遊戲係免費，但係道具就超級貴！你係遊戲入面想買一件衫，仲貴過你自己著果D衫，而且入面遊戲果D道具好多都係租用，過期就又要比錢。大陸網上遊戲係完全冇遊戲公平性，大陸人叫砸錢遊戲，邊個多充錢就係強者。有D遊戲，大陸人幾十萬，幾百萬咁充落去玩！點解？因為大陸封鎖外國網遊。假設外國網遊有一日可以打入大陸，果日就係大陸網上遊戲 game over 的日子。

所以，現階段 騰訊都算獨市生意，升完可以再升一D都唔出奇！但係12月21日 WTO宣佈中國唔比美國娛樂產品入中國，中國已經敗訴！一年內要解決，唔係國家就可能要賠償幾十億比美國。如果有一日，外國果D網上產業可以打進中國，騰訊就自身不保了，之前狂升的可以變成狂跌！所以要分外小心。

總結，騰訊賺大錢的原因只係識抄襲外國D好野來自己賺錢，靠政策獨市。但係如果獨市消失，騰訊一樣 game over!