意想不到的邀請

在新的公司, 不經不覺又返了兩個月, 感覺好似返咗一年咁, 除咗每日超長的工作時間外, 最開心的係可以和一班同事相處得唔錯, 有幾個仲好似識咗好耐咁...其中一個就係森哥!

森哥其實係隔離部門的主管, 能夠同佢成為朋友連我自己都感到好意外(像我這些低級職員...笑), 可能大家都住得近, 間中都會坐他的順風車...(感謝)

有一日, 森哥走過來問我要不要一齊食晚飯, 我話都可以, 之後仲話邀請我們一家一齊出席... 

之後接過小暴龍媽媽及小暴龍, 開車前往八鄉 的 "旦王花" (泰國餐廳), 雖然途中有點迷路, 不過都好順利咁到達, 第一眼見到間餐廳, 真係 "嘩" 一聲, 好靚, 好有渡假感覺...

之後點了滿枱的食物, 都真係幾好味, 只可惜無薄餅叫....否則就真係一流, 連小暴龍都食完一碟又一碟, 不過佢就唔多喜歡 / 習慣飲椰青....

不過咁靚的環境及好味的食物當然有一定的價錢......個價都幾嚇人......雖然去之前森哥已經表明話佢要請客, 不過無估到食得咁貴, 再次感謝森哥的請客, 之後仲要做司機送我們一家返屋企...

全晚都好乖的小暴龍

好特別 / 好靚的設計...