我們的80年代 (下)

我們的80年代 (上)

41.關正傑

關正傑，勵志歌忠堅分子，還唱紅了不少劇集金曲，由麗的紅到無綫。木獨害羞形象更獨樹一幟。

好奇感想：實力派歌手

42.《追女仔》系列

屎尿屁爛 gag及抽水媾女死橋雞精班。由《精裝追女仔》到《最佳損友》，醜男拱照靚仔加美女。

好奇感想：王晶出品就係咁, 話唔好睇, 但大部份人都睇過...

43.翁美玲

講翁美玲不得不數《射鵰》，俏黃蓉到今日仍俘虜不少 fans，五虎將時代御用花旦。

好奇感想：佢係我心目中的黃蓉

44.民主歌聲獻中華

梅艷芳唱《四海一心》呼籲支援民運的畫面歷歷在目和盧冠廷激昂的《為自由》。

好奇感想：........只記得當年有去靜坐遊行

45.阿諾舒華辛力加

荷李活肌肉佬電影熱最高峯，無論劇情冇腦的《獨闖龍潭》抑或有腦的《未來戰士》觀眾照單全收。

好奇感想：最鍾意都係<未來戰士>

46.《壯志凌雲》

80年代最公式化的商業片表表者：靚仔+靚女+愛情+戰機場面=中女年輕回憶。

好奇感想：靚佬湯真係殺死人

47.《富貴迫人》

沈殿霞董驃惡妻配諧夫。驃嬸期期買六合彩期望一朝發達，到中咗頭獎又次次出事。

好奇感想：新年必睇, 有那一個香港人無想過有一日中六合彩...

48.《季節》媽打

鄧碧雲飾演的「媽打」李淑德，將子女間的鬥爭處理得頭頭是道，成為香港人心目中的媽打典範。她於 91年去世。

好奇感想：我記得好似歡樂今宵時段播, 係小暴龍太嫲的至愛

49.軟硬天師

軟硬天師開《軟硬癲台》，越玩越喪。馬路天使葛 of the road，古靈精怪報交通難分真偽。

好奇感想：就係因為佢地, 我先開始聽收音機, 仲試過錄下來重聽, 真係好好笑, 最記得禮品係一副有144隻西的麻雀....(叫人點打呀!!)

50.《警察故事》

由四、五層樓高、掛滿電燈泡燈飾的柱子上跳下；又有以雨傘懸掛在巴士之外支撐身體等動作。

好奇感想：成龍 = 香港無敵警察

51.《香港 81∼》

由 81睇到 86，晚晚食飯睇茂叔、陳積、斌仔、順嫂在銀禧小食店食早餐講香港大城小事。

好奇感想：睇足咁多年, 停播時真係有d唔捨得

52.《勁舞》

珍妮花比爾演追尋跳舞夢想的少女，爆炸頭跌膊 look深入民心，搞到個個少女都買對 leg warmer。

好奇感想：未睇過

53.《 IQ博士》

天神村有一個自以為是天才的 IQ博士，他製造了小雲，荒誕滑稽事從此展開。

好奇感想：最近熱潮又回歸了...

54.《靚妹仔》

未夠秤少女墮落風塵做魚蛋妹， 82年電影，上映三星期票房破千萬，魚蛋妹一詞興起。

好奇感想：連那個係主角都唔記得...

55.達明一派

劉以達與黃耀明的音樂受英式搖滾、電子音樂等風格影響。金曲《石頭記》、《你還愛我嗎》。

好奇感想：剛開始太造作, 最愛<十個救火的少年>

56.碧麗宮 VS麗宮

碧麗宮堪稱當年最豪華戲院，專播大片，位於新蒲崗的麗宮座位 3,000全港最大，但大多放二輪電影。

好奇感想：兩間都未去過

57.《足球小將》

戴志偉與宿敵小志強為無數少男編織球王美夢，小志強最興摺起衫袖，個個跟風。

好奇感想：經過咁多年, 都唔明白為何把太空翼, 改為戴志偉...踢足咁多年, 就睇咗咁多年, 不過世青盃之後就再無睇了...

58.Shoulder Pad

阿梅、憶蓮、陳慧嫻個個抄日本偶像，膊頭墊個 shoulder pad加條蘿蔔褲打橫行。

好奇感想：打美式足球

59.萬梓良

《流氓大亨》中萬梓良青筋暴現流住口水鼻涕對住昏迷中的鄭裕玲大叫「 So what！」，經典。

好奇感想：真係經典...

60.安全地帶

男 fans愛仿效成員之一的玉置浩二 cool爆打扮唱腔，名曲《酒紅色的心》及《戀鈦預感》分別獲譚校長、黎明翻唱。

好奇感想：當年日文歌好流行

61.鍾楚紅

在《男與女》與關海山乾柴烈火，《火舞風雲》歡場女子到《秋天的童話》癡情茶煲，能放能收。

好奇感想：<秋天的童話>最有印象

62.葉子楣

20吋腰配 36F上圍，亞視奀星葉子楣的《玉蒲團之偷情寶鑑》三點不露，竟賺到近 2千萬票房。

好奇感想：講真佢又真係幾醜樣...

63.《最佳拍檔》

許冠傑與新藝城老闆之一麥嘉合演《最佳拍檔》系列，光頭神探配 King Kong，連續三年港產票房冠軍。

好奇感想：足足十幾年之後我先知, 劇中那架黑貓飛車, 係林保堅尼...

64.雜誌送海報

以前雜誌紙中間有拉頁海報、幾頁彩色印刷明星相，封底揀本周三張最靚藝人玉照做書籤。仲有剪印花換明星相。

好奇感想：好似都曾經因為海報去買雜誌

65.賭劇成風

《千王之王》和《千王群英會》，王天林監製，王晶編劇，父子賭壇無敵，拍《賭神》賺 3,600萬。

好奇感想：連司徒劍橋都畫了一套賭聖傳奇, 足足3百幾本, 我仲保留至今

66.格鬥卡通

星矢眾主角靚仔靚女，鬥士好勇鬥狠；龍珠主角個個可愛如悟空、鹹濕龜仙人，打到飛起，主角仿似永遠打不死。

好奇感想：好似係90年代喎, 仲記得無綫逢星期六晚深夜播, 翌日仲要早早返教會....假日反而睡眠不足

67.《盡訴心中情》

白姐姐開咪解答聽眾感情問題，唔係叫人分手就係離婚，難怪佢話要自掏腰包請義工跟進。

好奇感想：無聽過！

68.王祖賢

曾演可愛女鬼聶小倩、第一淫婦潘金蓮，以至孟波索爆助手惠香，永遠長髮飄飄。

好奇感想：當年真係幾靚女....

69.鍾保羅

89年 9月 1日，金牌司儀鍾保羅墮樓身亡。教人難忘還有他跟余綺霞，一對金童玉女，先後早逝，令人惋惜。

好奇感想：無乜感覺！

70.《地球大合唱》

84年先有全英最紅歌手為非洲饑民義唱《 Do they know it's xmas？》，台灣有《明天會更好》，香港都整番首《地球大合唱》。

好奇感想：當年一大班歌星集合一齊唱, 每人都係得一, 兩句...

71. 近藤真彥髮型

好奇感想：爆炸頭???

72. 張曼玉

好奇感想：個人認為最靚的港姐

73. 霹靂舞

好奇感想：想跳, 不過無人陪

74. Air Supply

好奇感想：台灣叫空中補給....(無話可說)

75. 林志美

好奇感想：佢啲歌都幾好聽！

76.《義不容情》摺幸運星

好奇感想：我都試過幫人摺！

77. 搖搖、扭計骰大賽

好奇感想：記得當年要去士多換金牌搖搖

78. 麥當勞急口令廣告

好奇感想：雙層牛肉巨無霸, 芝士洋蔥夾青瓜....

79. 新藝城電影公司

好奇感想：.......

80. 著名填詞人林振強、林敏驄

好奇感想：我比較喜歡林夕和黃偉文多d