祝福与被遗忘

终于18岁噜...
有三个有心人,第一个早咗两分钟飞短同我讲生日快乐,我谂可能因为之前佢生日嗰阵,我都做过有心人...第二个最准时,我手机啱啱00:00都收到佢嘅短讯..哩个人之前好Friend,后来分咗班,因为太多刻意嘅见面所以觉得厌倦,因为咁彼此间反而好似有咗隔膜,点都估唔到佢仲记得...最后一个有心人系我而家嘅隔离位..虽然佢迟咗15分钟..但我知佢都系好有我心嘅,话嗮我哋都算无所不谈嘅F...打冷颤吖..
之后我一直等,点几喇..原来有心人无唛几个..嗰啲我认为会最先畀祝福我嘅人...原来早已遗忘.....
早上起身,收到第一条嘅短系Da畀嘅...少失望!!但依然好开心,话嗮佢都算记得.....
之后收到一个陌生num嘅祝福..原来系以前最好最好嘅朋友嘅,但因为好多好多原因..我哋已经唔算好朋友噜..估唔到佢仲记得...突然好感触,应该记得嘅却遗忘了,而嗰啲可以遗忘嘅却记住了...
之后我一直等..几个星期前有好多人问我,我生日嗰日得唔得闲,话要帮我庆祝..结果今日,佢哋都无提到..我唔想飞短提佢哋,因为佢哋都唔系我所希望陪我过生日嘅人....就系咁,晏昼我决定都系自己一个人过,拉咗我家姐同我行街..4点钟喇,哩个我真正出生嘅时间,我相信,佢哋系听我提过嘅,但都依然收唔到短讯...好单..18岁,我觉得应该好重要..但却被人遗忘咗..
唉~~仲有个几钟就过完喇..依然没有短讯..或者记得嘅就只有几个...而遗忘嘅却很多很多...
18岁嘅生日,祝福与被遗忘...