mochiCREAM

女友從東京帶嚟嘅mochi（糯米滋），佢話呢隻mochi喺東京大人氣，連《流行東京》嘅倫仔都介紹過，原本得downtown先有，總共有廿多種口味，不時重有啲季節限定，話好受歡迎咁話，我真夠晒out！
成田機場最近都開咗分店，所以佢好多同事都專程買番香港，機場接佢時嗰舊乾冰都未溶晒！盒上說明隔日不可進食，果然新鮮。
呢盒成田先有得買嘅雜錦boxset，6款味道包括Double Mango、宇田金冶（綠茶）、黑芝麻、caramel pudding、朱古力同超人氣嘅rasberry。賣1,050日圓（連稅），幾十蚊，唔過份。
口感軟熟，唔太甜，rasberry入面有少少脆脆口感，真係好食。下次大家到東京，唔該早少少入機場買番幾盒，你親戚朋友一定錫晒你！

咬開咗嘅mochi太核突，我就無影相喇！自己感受啦！