2007北海道家庭樂 - 旭壽司

既然又黎左小樽, 梗係食多次美味的壽司啦, 今次我地係壽司街揀左另一間叫"旭壽司"既店:

↑師傅是兩兄弟(阿爸用紙筆寫漢字問返黎, 勁!)

↑金碧輝煌的餐具擺設

↑好大隻的牡丹蝦

↑蝦頭部份做左另一款壽司

↑鮮味的螺

↑點點點點...點可以無海膽呀??

↑百吃不厭的帶子

↑終於有左口魚邊喇

↑燒鰻魚壽司, 不過唔係大和家既做法, 用火鎗燒唔係炭燒, 稍為失色

↑師傅忙碌的為我地準備食物


↑爸爸最開心, 就係d sake會酙到滿瀉, 佢講足一年仲講緊(sake是師傅介紹我地飲的)

↑我仲意食的甜蛋, 做得好好唔係乾爭爭嫁

↑食飽飽, 店員臨走前仲幫我地合照, 之後就去機場, 拜拜咯~~

一年後的後記:

終於, 差唔多一年之後, 呢個北海道之旅終於都寫完, 我諗應該都無人會追落去~

呢個trip真係好開心, 事隔一年再寫, 一路寫一路就咀角向上揚, 好回味當日係北海道行過既街, 食過既食物, 欣賞過既風景

最重要係, 一家人一齊過既開心日子, 阿爸到今日每一次提起都仲好眉飛色舞

我應該都係一個唔係幾考順, 成日唔返屋企食飯既衰女, 每每諗起爸爸媽媽呢個trip之所以好開心, 係因為真係好玩之外, 仲因為見到我同何光明都好開心, 一家人齊齊整整咁一齊玩, 內疚感就升到滿點

其實我好怕"樹欲靜而風不息 子欲養而親不在"

爸爸媽媽都開始老喇, 媽咪仲成日呢度痛果度痛, 好驚有一日, 佢地唔再陪我地去旅行, 呢度去果度去

所以呢, 我好想今個秋天, 同佢地去多一次日本, 今次就去大阪京都, 可以既話落埋東京(應該又係A佢兩老比旅費, 我窮, 何光明更窮)

希望真係去得到.............

P.S. 同父母去旅行, 租架車自己揸就最好, 老人家唔駛行又可以周圍去係好好的, 阿媽之後去左新加坡就非常唔仲意, 話成日要佢行, 累死