北海道家庭樂 - 小樽堺町

小樽運河之後, 下一站就係好多工藝品店同糕點朱古力名式手信林立既堺町。

↑兩旁都係有相當歐陸色彩既小屋

↑成個波咁大既魚蛋


↑買左兩個黎食



↑又係食, 今次食燒海鮮


↑成15cm咁大隻既帶子, 粒帶子都至少有6cm直徑

↑仲有蟹

↑即叫即燒, 香到震

↑嘩嘩嘩, 好多肉汁呀~

↑實在太好食喇~~~~~~~連汁都飲埋, 好食既程度係點? 就係咁好食喇!

↑去到街尾, 終於黎到重點 - 音樂盒館, d音樂聲連係條街上面都聽得到

↑仲有呢個歷史級既蒸氣鐘

↑一望無際既音樂盒, 成間鋪都係悅耳既音樂聲

↑自己整既音樂盒

↑點會唔整一個送比你

買完音樂盒買完手信, 我地就去左老豆建議既小咖啡店, 老豆好認真咁睇哂成本旅遊書, 見到銀之鐘6號館度有間咖啡店, 買咖啡會送一件牛油蛋糕(送咩鬼丫, 咪計左落杯咖啡既價錢度)。佢同阿媽係咖啡精, 當然好想去(同埋好想去貪小便宜貪人地果舊"免費"牛油蛋糕)。

結果黎左個小驚喜, 係叫完我地既飲品之後, 個店員叫我地揀裝飲料既杯, 心諗間鋪頭咁有心思, 連飲野既杯都有得比我地揀bor, 原來d杯係送左比我地嫁, 即係你飲完杯咖啡食完個牛油蛋糕, 仲可以拎走隻杯(大部份都係hello kitty杯)。咁都得? 阿媽就好開心, 可能佢又係唔記得左, 羊毛出自羊身上既道理。