北海道家庭樂 - 新千歲機場

細細個果陣, 阿爸阿媽個個星期日, 都會帶我同何光明去呢度去果度, 細細個無咩反坑能力既我地, 都好聽話由佢地話事, 話去邊就去邊。不過有毛有翼識飛之後, 都好耐無呢支歌仔唱lu。再加上不肖女我仲搬左出去住, 阿何光明又成日要返工唔係屋企, 何生何太又成日蒲係鋪頭唔願返屋企, 所以無講話去旅行啦, 連一家人齊人坐低食餐飯都唔係咁易。

其實阿爸阿媽, 一直都好想一家人去旅行。不肖子女我同何光明即刻打蛇隨棍上, 敲詐佢兩個請我地去旅行, 呵呵呵呵呵(真係仲好意思大大聲大言不慚講出黎)

不過可惜阿何光明得呢個時間放到假, 北海道仲未係開花既時間, 不過算啦, 唔睇花睇第二d野囉~

◎◎◎◎◎◎◎◎◎◎◎◎◎出發喇◎◎◎◎◎◎◎◎◎◎◎◎◎◎

坐左4個幾鐘頭既飛機, 終於都到左札幌新千萬機場喇(果機場真係好細), 拿拿聲去TOYOTA既櫃檯取車(我事前係internet度book好左架車), 搞左一大輪, 正式出發去我地既第一站 - 小樽。

↑我地租既COROLLA FIELDLER SUV

↑路癡專用GPS導航系統(入面個姐姐仔仲係講英文的)

我地租5日車(佢地計4日咋, 因為頭後兩日佢地淨係計1日), 都係2,800蚊(包保險), 5日勁揸(我估有1000km)都係入600幾蚊油, 真係抵過搭車好多。加上自己揸車, 鐘意去邊都得, 岩哂唔仲意行咁多路唔捱得苦既阿媽(同我)。加上有GPS帶路, 根本就唔駛擔心揾唔到路(連地圖都唔駛睇), 阿爸話呢家D科技真先進, 一個箱仔就可以帶住成家人周圍走。

各位下次去北海道, 可以既話一定要揸車呀~