花男F感想

以下有提到劇情

未去睇嘅又怕知道劇情就最好唔好睇落去喇~~


我終於都知道咩叫靚仔到喊!!

因為松潤每一次出現既每一幕

都會令我...你...你...同你係不斷驚嘆!

再加上有如FASHION SHOW般不斷換衫.....

我真係想去數吓

究竟佢換咗幾多套衫呢??

劇情方面

其實一句可以講哂

就係

杉菜究竟應唔應該嫁俾道明寺呢??

我覺得

唔嫁俾道明寺嘅原因只有一個

就係杉菜佢係傻嘅!

不過,其實由一個普通少女變成一個少奶奶

唔多唔小都會有啲唔適應.....係會有小小掙扎....嘅....!

成套戲

我覺得爆笑O咀位係多過感動位

感動位就真係差唔多去到最後先有.....

而

我至中意既場面係

半裸嘅松潤

全部SWEET到痺嘅場面

最後得知自己會做爸爸嗰種喜悅嘅表情轉變

開始冇耐打到飛起嘅場景都好型

至爆笑嘅當然係呢一幕啦~

好笑到癲呀!

要數到最令我O咀

一定係最後花澤類嘅出現

個人覺得比杉菜打死隻熊更為爆笑!!

嗯....

其實關於香港嘅場面真係可有可冇喎!

美作佢雖然係黑幫身份啫

為咗營造佢嘅工作環境(?)

拍到有啲誇張咁囉!

香港真係咁樣???

(OK!OK...我知我太認真...)

究竟我最後會去睇幾多次呢??

松本潤佢真係完全演咗道明寺呢個人物!

而令到好多人佢另眼相看!

我之前真係好唔中意佢架!!

成日覺得佢個樣串串貢想撩交打嗰啲!

而且花男亦令到嵐嘅成績開始好返好多

連成員都話要多謝松潤佢帶工作俾佢地!

我都要多謝松潤為我帶嚟好多未曾嘗試過嘅經驗!(爆)

多謝哂