不再年輕 (續)~~~~~~~

休息三天作考試準備, 老實說, 以本人愚昧的腦袋, 三天並不夠, 加上長期工作受壓, 身心很想放下來, 不作什麼, 只想空白一片啊!

每次考試都只請兩天假期便谷自己出去, 今次請了三天, 原因係冇信心, 愈讀就愈知自己愚蠢, 愈讀就愈知自己老了不少, 說真的, 自問以前真係好記性到冇人有, 但近呢一年就連小王子既重要事項都忘得一乾二淨, 係從未試過既乾淨!

本來跟自己說好了, 就算自己點樣唔係讀書既材料, 點都要涯落去, 可是現在真的有點力不從心, 加上工作開始比人投訴, 不認老都不可能了!  尤幸感恩的是一班一齊涯既同學, 佢地做group assignment既時候都唔介意我既笨筆!

另外, 身體既康復速度都係不再年輕既一個啟示, 而家食西藥或者成藥都好似冇咩效用既, 都好既, 中藥岩我d!

說來呢一行做左咁耐, 從來除左內部人事之外, 冇事係覺得難, 之但係經過一輪爆廠同比人投訴後, 心有不甘, 原因係因為覺得老細不明白我既困難, 加上佢既說話對我既信心有影響, 上司同下屬都要建立互信, 睇黎要佢請到新人之後再重新建立........唉... 工作運總人比別人難行, 性格改變/決定命運, 我相信自己既辛苦命自己有份做成, 鬼叫你比人感覺比幾多都肯做呢.........

睇下自己eq頂到幾耐啦, 我認同因為eq底i或者能力高所以轉工多架!~