不再年輕~~~~~~

老公見我冇時間加上冇咩腦用, 所以多左用腦, 趁重九放假, 就話同小王子去下郊遊! 大棠荔枝園, 唔係上次果個渡假村, 方向一樣, 不過係兩個地方!  雖然呢排身心都好疲累, 但係難得老公有心機搞活動, 我一定要奉陪到底!

呢個繩網有成3層樓高, 要勞動到老公爬上去睇住小王子, 不過落返黎既時候, 好似老公辛苦過小王子好多.......

這種車都不易控制, 加上地方並唔係咁大, 人又多, 半個鐘... 咩都夠晒.........

小王子餵得都好驚...... 其他小朋友反而企得埋d......

騎馬..... 呢樣野我都未試過! 小王子好開心! 排隊排左廿零分鐘都冇投訢!

餵魚係佢一入去就話要玩既活動!~

玩左咁多野, 都只係用左4個鐘左右, 我要返屋企趕功課了, 人已經用晒電, 倦到七彩, 以前自問好涯得, 而家真係頂唔順, 晒兩野又頭痛!

不過....... 見到小王子咁開心, 我都好開心!

後話.... 走時只係3時左右, 係門口見到一班飛型青年, 有一個兩三歲既小朋友一齊, 班人見好熱, 於是就同小bb講, 爸爸覺得呢度好熱, 不如我地去冒險樂園玩囉! 小朋友當然唔識揀啦, 咁成班人就走左lu, 而小朋友就失去左一個同小動物玩既機會了! ............

望著小王子飛快般長大, 真有種不再年輕的感覺, 雖然努力keep住童真, 可是時間不由得你去捉住! 有人說過日子-開心不開心係你自己選擇, 對呀, 不過, 老實說我的童年的確不值得去高高興興, 那些經歷就做成今天的我! 雖然說來好像很遲, 不過什麼時候都應該學習去享受, 開心要開心到盡! 時間不等你, 所以要捉緊黎開心就看你多懂得去尋了!~ 而且, 開心並不等於要多有錢, 帶下去什麼大棠荔枝園, 餵下動物食野, 才不過幾十元啊!~