11月之想

轉眼間已經去到年尾啦,又係人生總結既時候啦

今年開心事特別多,當然要數既一定會係********家姐結婚之日啦"926"

呢個又開心又難忘既日子,真係好值得留念呀

第二個就係年尾:表姐結婚之喜~~~~~哈哈

當然仲有第三樣野啦...就係sammi演唱會呀(但而家都未知去唔去到,唉)

之前係blog到話煩既就係呢一樣野啦,有了解過事情既人都唔會多問

但而家心情好反覆~~~~總之一日未到個日一日都唔好理住

順其自然啦,所有事情主都會有所安排呀~~~強求都無用

凡事有因必有果,只要對前路有信心,什麼難題都並不難解決呀

今日難得在公司中可以打打blog嚟舒發一吓心情,好久沒有打了......

要大家久等真係萬分抱歉呀~~~~哈哈

大家呢一年做了幾多樣人生大事呀,有幾多實踐了呢~~~~我本應決定今年考車牌

但~~~最終決定下年先,因為太多因素啦,加上時間未許可,還好的就是有多充足時間

俾自己作準備~~心理與身理上都有所準備為之好....並唔想好似因為想考而去考

應該將要做的事情,做足準備係會好d呀~~~~~

下年都係時間要轉轉工作環境啦,希望可以搵到份人工更加好既

因為呢到最大問題係~~~人工呀~~~係呢到一成不變,不如出去再開新路向

人生有好多選擇,但在選擇中都十分困難,我問題總要解決

所以過埋年就要好好另找一份新工,當然我係會一邊做一邊搵

唔想有個空洞期~~~好難過好辛苦呀,壓力仲會好大呀~~~~下年計劃都幾多

呢到講左一半啦,仲有一半就未知會唔會去實行,因為要好多因素

本人想攪一些小生意,想從中搵多小小錢~~~~大家有冇好介紹呀~~~~

有既話我知啦,等我都去做個報告先可唔可行,朋友中亦有人想與我夾手做

但大家只係~~~ 紙上談兵,希望小生意中唔會影響日上工作~~~~哈哈

仲有一些大計而家尚要等2010年中再作決定,而家都係唔好諗住啦

做左幾樣緊要野先啦.....仲有家姐而家開始幫人攪婚禮統籌

大家有意可以話我知,價錢應該可以傾~~~~到時我都會幫幫手呀~~~~嘻嘻