2009.09.29 - 出門篇

結婚日既相終於都收返晒喇
不過由於相真係太多喇
所以只係可以post少少出黎咋
先黎出門篇先啦
唉......honeymoon既post都仲未出晒
唔通真係好似豬豬咁講要等成年?!?








講返big day o個日啦
o個日我既出門地點o係日航
我一早就起身等MUA黎喇(叫咗姐姐7點到喎)
咁o係我化緊妝既期間
攝影師都黎到喇
咁影唔到我咯
佢地就要影下其他野先啦~






到咗8點半我都仲化緊妝
由於時間既關係
攝影師唯有先落樓下同班兄弟影下相先
之後先再返上房補影返我同班姊妹囉
呢.....我班好姊妹呀~~








夠鐘喇夠鐘喇
洪生同班兄弟好明顯要上黎俾我班姊妹玩啦
老實講吖,我班姊妹鍚住佢地o架喇
所有核突野都冇玩o架喇
可惜兄弟們好似唔多夠投入噃~~




不過事但啦,我地冇咁多時間同你地NG喇
快快脆玩晒就算啦
最緊要讀埋個愛的宣言就ok喇
後尾我返屋企睇返先發現樣野
就係洪生冇o係個愛的宣言度畫押呀
唔知佢第時會唔會反口呢,呵呵~




玩完一輪.....總算俾洪生接到新娘啦
嗱.....第時要好好聽老婆話喇,知嘛?!?



搞完一輪終於都可以斟茶喇
由於我地既大日子係平日
好明顯d親戚係要返工唔得閒黎啦
所以都係要斟茶俾我嫲嫲同老豆啫





斟完茶仲有時間o係酒店房同大堂影下相添
好搞笑o架,我地o係大堂影相期間
有個鬼鬼攞住部DC影我地
最後佢都係忍唔住黎問可唔可以同我影張相囉
之後又有班日本婆婆走黎同我地講"おめでとう"喎
多謝晒咁多位9唔搭8人仕既祝福喇



之前一直都好想同我地架花車影多d相o架
可惜o個日不停咁落雨囉
最後......咪得呢張咁既相囉
唉......一大遺憾呀~~
不過都總好過一張都冇啦~






影完相之後就返男家喇
情況當然同我o個邊一樣啦
就係冇乜人要斟茶囉
斟埋幾坏茶兄弟姊妹們就可以去嘆茶
我??咪要轉妝準備去註冊囉~