網誌分類：紅毛媽的感受 |
情緒病呀情緒病, 你又回來我身邊嗎??
昨天特別嚴重, 好耐都無試過, 自己一個人, 無端端就喊起上來.... 沒有原因~~ 可能過去幾個月都過著很輕鬆的生活吧, 沒有太大加班, 不用返大陸工作, 早睡早起....
踏入12月, 考試不繼的來煩著我..... 加上每逢考琴同Legal 我都會發神經的... 琴考得少, 驚很正常... Legal 亦因為我工作上所用到的, 並不會好像書本這麼詳細甚麼Company Ordiance, 甚麼Section xxx... Article 第條講....... 呢d 真係 u'd better kill me!!!!
kathy 小姐說這是生理循環.
Nicole 小姐說這是PMS
比小姐說這是壓力來源
不想打開本書.... 不想望住邊條ordiance 又同我傾計... 咩case 就話咩俾我知....
看見Esther 為了自己的夢想而努力Gogogogo~~ 我昨晚在喊之餘, 都不忘諗諗自己做緊乜, 考試有乜用, 我係咪真係咁想做會計師.... 我由畢業到依加都講, 如果可以俾我再揀過, 我唔會讀會計!!! 我都好想為我的Nail Art 夢而努力... 但無奈我的錢不是會費, 便是考試, 再不是就是上堂費.... 會呀會, 我每年進貢咁多俾你, 你為我做過d 乜呀!!!! 零福利, 零爭取..........
寫到呢個位, 我又想喊..... 情緒病, 你幾時離我而去呀????? 放心, 我不會做傻事的, 只會不停自己係咁喊喊喊喊喊~~~~ 喊到一個位, 我覺得夠要收聲時, 我就會自動收聲呢~ 哈哈~
IMG_0359.jpg
IMG_0251.jpg
IMG_0222.jpg
Do & Hope 2008-12-18 16:11
你要加油努力呀~!!!
半年後我再提醒你的展望吧~
我們都要努力生活啊~!!!
Suki2008-12-19 13:12
大家一齊努力~~~
Gogogogogo~~~
Esther 2008-12-18 14:14
哈哈 ~ 我見到你提我個名啊 ~~
見到我喺度留言, 係咪有少少 surprise 呢 ? 其實我一直都有追開你呢度既甜蜜小故事架 ! ^.^
你仲有自己既夢想, 比起好多人連自己想點都唔知既好 ~
你要努力呀 ! 不過唔洗急 ~ 一步一步 .... 最終可以做到架 ! 我用左七年至可以開始呀 ....... 係開始 ! 真係慘 .......
嘻 ...... 話唔定第時等我地兩個都成功左, 我可以介紹客人俾你做 Nail, 你又可以介紹客人俾我 ............. 我地做大佢 !! 哈哈 ~ 係咪發下夢都開心呢 ~ ?
加油呀 !!
Suki2008-12-19 13:11
哇哇哇~~~ 完全無諗過esther 會係呢到的坐上客呀~~ 因為我實在太懶打私人那個啦, 不過那個都會keep 住update~~ 都要返去睇下呢~
我好記得你讀asso 時都已經想學化妝.... 直至畢左業, 看見你的事業一直在爭紮當中, 當時見面也很難哦.... 不過最後你現在工作於我對面的寫字樓哦, 時間多左, 亦都比較易約哦~~ 哈哈~
你用了7年去編織你的夢, 我應該都要學你呢... 一齊都好似離我們很遠... 當我們真係成事後.... 望返轉頭, 其實一齊都係咁簡單.... 我地要努力俾心機呀, 一齊為理想進發~~
Do & Hope 2008-12-17 20:48
Suki2008-12-18 00:38
Iris 2008-12-17 17:29
babe,其實既然.......
"如果可以俾我再揀過, 我唔會讀會計!!!"
"我都好想為我的Nail Art 夢而努力"
又既然呢行俾到你咁大壓力，
又唔知自己係咪真係咁想做會計師....
有冇諗過好似我咁，
毅然放棄會計呢行，
去做d,讀d自己真係有興趣,想讀想做既野呢？
不過無論你做d咩我都係咁支持你既
Suki2008-12-18 00:35
Iris, 我也很想好似你咁, 真係完全離開, 去讀自己鍾意的course~~ 可能我成日諗一堆藉口... 成日都要諗屋企人, 要諗自己幾多洗費... 無左份糧會死的~~ 我知我無能力去full time 讀... 但我同自己講, 我要save $$ 去學Nail Art!! 儲1年唔夠, 就儲2年~ 你都努力左2年去為自己的前途~~~ 我都唔可以咁睇少自己~~ 將來自己做邊一行, 都無人知, 但起碼, 叫做自己努力過呢~~~
Baby Iris, 你的留言, 實在太鼓勵呢... 個個都為自己夢想進發時, 我唔可以就咁坐係到發瘋.... 我要努力去面對呢!!!
一齊努力呀~~~ 加油哦~
馬小妹 - 冬伶 2008-12-17 11:23
放鬆d 啦...仲有幾日就考完。加油呀！
我之前幫細佬考試伴奏都係咁，練得好辛苦，彈極都唔好，成日都覺得自己好失敗，係咁喊...
不過無論結果係點都好，最緊要自己盡左力。
聖誕就可以開開心心咁去玩勒！
Suki2008-12-17 11:53
馬馬~~ 仲有幾日咋~~ 我真係快d 過埋去呢~~~~
我要過merry christmas 呀!!! 我諗考完個試, 個人relax 左, 就會好好多ka la~~ 好彩都有呢個可以俾我自己呻下呢... 又好彩你每次都會帶來正面訊息俾我呢~~~
小琪兒 2008-12-17 11:22
加油呀~
只要繼續有nail art呢個夢，一定會實現的~
只係遲早既問題
Suki2008-12-17 11:54
多謝你呀~~ 我成日都覺得自己唔會做到ka la~
不過你的留言真係好大大大的鼓勵性呀~~
遲早的問題~~ 我要努力去實現呢~