阿雪 wedding

又有朋友結婚啦,今次係同我識左十幾年嘅朋友'阿雪'同佢嘅老公仔Kenji結婚呀,我都好登佢高興呀,希望佢生活幸福美滿啦!!

嗰日(11月28日)我都要返工ga,不過由於約左細蚊去行街,所以就由阿玲姨幫手睇一陣鋪啦,唔該晒呀!!

我同細蚊約左4:30呀,我地好好咁爭取時間去制街買嘢呀,唔駛一陣大家都有好大袋嘅戰利品啦,唔好再買啦,我地仲要去飲ga!!!

之後我地諗住早少少上去同阿雪影相,所以咪7點鐘倒上去囉,點知我信錯左細蚊呀,佢又話喺中港城,點知原來係喺尖東嗰邊呀,真係比你玩死呀....

之後我地就梗係搭的士過去啦....

一上到去見倒好多阿雪佢地嘅靚相呀...

不得不讚阿雪真係靚女左好多呀.....

我地上到去嘅時侯咁啱佢地切緊蛋糕呀....

好啦....得閒同我地影啦....阿雪你好靚呀!!

仲見倒阿雪媽咪呀,佢都真係keep倒喎,同我十幾年前見佢個樣差唔多呀....

仲有靚女伴娘阿欣呀....

我地嗰圍得我地三個中學同學咋(細蚊,小琴 & 我)....不過唔緊要呀,我地一啲都唔悶呀...仲係咁影相呀,到時上facebook睇番大家啲一定差唔多呀

我地仲特登整左lee個水晶比阿雪做結婚禮物呀....

我地今餐嘅餸呀....

好啦....進場啦,今次佢地lee對新人進場好特別呀,佢地一路唱住情歌(有玩場鋼琴伴奏)一路進場呀,好sweet呀.....而佢地都係現場簽紙ga,不過有啲搞笑嘅就係個律師講錯左阿雪個名呀....好搞笑囉!!!

但係都唔會影響兩位嘅心情嘅,簽完紙講嘢嘅時候佢地兩個都喊晒咁呀,搞到我同細蚊都喊埋一份呀....

到敬酒啦...睇下佢幾靚呀....

而lee件就係送客嘅裙呀,lee條裙真係好特別呀,用牛仔布做ga,而且佢咁高所以carry得好靚呀!!!

走嘅時候有vcd播呀,仲好似電視劇咁樣有特別鳴謝ga.....仲見倒我個名呀!!

今日真係好開心呀,見到個好朋友結婚,恭喜晒你呀,再次祝你地白頭到老,早生貴子呀!!!