08年的生日

又係大一歲既時候了…
上年生日因為剛剛出院...都無咩慶祝到…
不過人大左...都無咩話想點慶祝...只係想同最親既人…
好好聚埋一齊食番餐…屋企人就早左幾日同我慶祝…
地點係我屋企打邊爐...嘩...正呀...係屋企打真係同係街打差得遠…
D野食好好多...超好味...打完再抖一陣...再食埋birthday cake
個cake就普通啦...係個批來既...不過見未試過...就買呢個來試下lor…

到左生日正日...我當然係同爆爆虎一齊過啦…
我地去左ruby Tuesday 食dinner...之後就返15b休息…
鬼馬既佢原來預備左份生日禮物比我...係個袋來既…
多謝晒...你梗係見到我平日用開個袋又大又重…(我買果時吾覺咁大...但咩咩下就好似越來越大&重...日日好似咩住個麻包袋返工咁)=_=
所以特登買個比我呢~hehe…

至於我班IVE舊同學...今年都係同我去打邊爐慶祝…
果晚最開心既係我地一行十人...竟然可以自拍影到一張大合照呀…
我地無用腳架...只係全靠一位手長既朋友仔...同一部靚相機…
就係咁...我地就瘋狂咁影呀..笑呀…又影呀….咁就一晚…haha…
同樣地多謝sindy送既化妝袋仔...真係好靚好岩用啊…
果晚一返到屋企...就急不及待開來用了….^_^