i lv HK

作為一個OL, 日日放工最少仲有成6-7個小時活動時間，咁悠閒嘅人生，換唻越唻越港女嘅嗜好！

落老蘭CLUBING、迷上高跟鞋同小手袋，連LUNCH都心思思按摩做SPA，最大獲，係染上瘋狂購物嘅習慣！

無論係網上訂定係周街躝，衫褲定鞋襪，一個星期總有一兩日會買到嘢返屋企！

而有啲，仲要係一返歸就唔鍾意！明顯係衝動消費！

令小蓮本來已經好緊絀嘅財政狀況變得更加足襟見肘！

好彩！世上仲有YAHOO BID！

於是，小蓮個個星期就好有規律咁過。

星期一，行街。

星期二，行街，買嘢。

星期三，行街，買嘢，開始放星期一二買返唻又唔鍾意嘅嘢上網BID。

星期四，行街，新增拍賣品，約買家交收。

星期五，行街，買嘢，交收。

致力促進經濟有小蓮。

無花無假例子，係剛才同朋友尖咀食飯，十一點幾先散場，之後都仲可以一個人去利時行咗轉！

仲要買到嘢！

強迫症發作又拎上網賣已經好神經，更神經，其實係接近凌晨，加連威老道依然一街係人，間間鋪都未打烊！

今日好似星期四喳喎？都咁搏？咁星期五六日咪唔駛瞓？

奇景之下，隨咗咀咒人人做爛市夾荼毒青少年24小時消費，都不得不服一句，香港，果然係名乎其實嘅購物天堂。