族譜

因為一時興起，小蓮今日好認真咁睇咗次族譜。

唔睇由自可，一睇真係開心大發現。

發現一

第一位姓鄧的人兄係商王武丁叔父，姓子，名季曼。

因為商王封咗河北(而家河南)一帶俾佢，於是以封地「鄧」國為姓，改姓鄧。

即係如果唔係封咗地，我而家就叫子慧琪。

發現二

又由於同皇帝有關係，一直到廿幾代都封侯爵。

不過商紂王時期走過佬，之後冇咗世襲特權。

發現三

簡直係勁！

小蓮嘅祖先喺三國時期，原來跟曹操！

不過同期有另一房鄧氏後人幫劉備打仗。

自己人打自己人也。

發現四

做過翰林學仕，做過承相，不過個人應為鄧氏筍公最叻，娶咗公主，做駙馬爺。

唔駛點做就位高權重，筍公果然有份筍工。

發現五

官位越做越向南方發展，宋朝終於去到廣東，成為開發廣東第一位開荒牛。

發現六

在資料不詳情況下，原因不明情況下，明朝某一年突然由廣東直接搬咗去青衣老屋村。

可能祖先早早算到有樣野叫「一國兩制」，急急走頭。

而最後，最impress，係小蓮呢一房人，由明朝到而家都冇搬過。

果真安居樂業。