辦公室政治

由細到大，小蓮都感受到作為一個金豬年出世嘅幸運兒，命運的確比其他人更加順風順水！

不過！最近，小蓮條靚命受到前所未有嘅衝擊！

企圖撞斷 / 扭曲小蓮黃金大道嘅敵人，戰鬥力之高，實在令小蓮覺得非常難搞。

精良武器，包括揸住雞毛當令箭，雞仔唔管管麻鷹。

支令箭係A貨，主要用唻做掩眼法。

等佢可以安心推卸唔想打嘅仗，四處瞄準死人發炮，再行領取退敵功勞。

準確演繹個人之權利及他人之義務，小蓮極之佩服其攞彩行先的工作態度。

更感激呢條婦人令小蓮真正明白何謂一條八婆。

果真係活到老學到老。