阿彩爆笑系列 - 稿並唔係咁寫嘅！

曾經身為傳媒人，小蓮向來對自己文字功力有一定信心！
起承轉合，知易行難，但係拿捏起上來總算有板有眼！
點知今日，小蓮發現身邊原來仲有一名高手！
話說小蓮今日同親愛的阿彩飲飽食醉後緩步回到家門前之際，阿彩突然講出以下說話：

呢度啲樹越唻越多，
呢度啲雀仔越飛越過，
真係想一鎗射死佢！

小蓮第一個反應，係非常震驚並不解於如此詩情畫意的故事何解會落得一個如此暴力的下場？！
再唻就發現，呢短短三句說話，喺文學上幾咁結構嚴謹！
首先！第一二句，係用咗排比嘅手法，而句形句意亦都對得非常工整。
然後，故事進程緊湊，亦做到起承轉合的效果：

呢度啲樹越唻越多，(起)
呢度啲雀仔越飛越過，(承)
(轉)
真係想一鎗射死佢！(合)

好明顯，阿彩留白了一個訊息，故事內容其實應當同此：

呢度啲樹越唻越多，(起)
呢度啲雀仔越飛越過，(承)
(轉: 嘈鬼住哂我瞓覺)
真係想一鎗射死佢！(合)

要留意，係三句說話入面，完全冇提及雀仔做過咩導致被阿彩射殺，但係一埋吱吱喳喳的雀仔以及一個唔夠瞓的婦人，已經浮現在腦海中。

某程度上，阿彩呢段說話有唐伯虎的水準。
小蓮甘拜下風。

後記，
當小蓮問及阿彩為何有如此深厚功力時，阿彩用花師奶的語氣話：
咁啲雀仔係乞人憎丫嘛！
高人果然係高人，啲答案飄到！