平常心

見agent，從來也不會抱有什麼期望，因為試過唔少次見完之後都係音訊全無。

今次個employer係一間US based investment bank，一聽個名，估唔到係一間咁大的，心想如果入呢間 I-bank，真係對得住列祖列宗。不過轉念一想，難道投行界無人，要出動到小弟?

當然我從來冇懷疑過自己的實力，我懷疑的只是harvard, cambridge, stanford 的畢業生往哪裡去了。Anyway，既然有機會自然不會放過的。

呢個agent跟其他agent好唔同，佢完全明白我的處境，半年前的轉型是成功了，但欠缺的是一個突破的機會。佢重講左好多i bank interview 的技巧，看得出是真心的協助。

還是一份平常心，因為回想起來今次已是第三趟，得失不能看得太重~~

回到家中，望住枱頭八本CFA level 3的書，再望望櫃入面頭兩個level既書，加埋晒成幾呎高，原來呢兩年讀既書好似仲多過大學既時候......

得返四個月，又係時候開始閉關。