講得無錯

琴晚去上堂, 老師話要俾個最佳進步獎俾我, 話我越寫越有禮器既味道, 比起之前好左好多, 仲係非常好. 我覺得個"陰"字寫得唔好, 諗住漏空一格俾佢寫俾我睇. 佢話唔使寫喇, 因為我已經寫到, 無問題. 又問我寫這些功課時, 係咪心情好靚. 應該係啦, 確實比以前輕鬆左. 佢咁樣講, 攪到我面都紅晒, 唔知點好. 不過尾二那張, 頭六個字明顯細隻咗, 老師問我攪乜鬼. 我話連寫四小時, 條頸好攰呀.

之後, 我確認左有個新同學, 以前都係跟傅老師學書法, 因為佢上堂都係拎住佢個字帖. 老師問佢那本係乜, 佢就話因為無時間買帖, 所以用住傅老師臨摹既禮器碑囉. 老師話禮器係隸書既經典中的經典, 已經有二千年歷史, 要學就跟原帖去臨摹. 相比禮器原帖, 現代任何一位導師寫既字, 就算再出名, 地位都係細小如塵, 所以叫佢正正經經買本書帖去學. 聽罷覺得無錯, 很有道理. 老師又問佢學左幾耐, 佢話5月開始學, 佢講大話呀, 我5月都去左傅老師私人畫室去學書法啦, 佢在5月前已經在藝術中心跟傅老師學, 如果無記錯, 應該最少係2月左右開始見到佢架. 點解我記得佢呢? 因為佢成日著埋晒d小背心,薄切切既衫上堂, 但又怕凍熄晒課室既冷氣, 雖然係冬天, 但係在密閉場所都好焗架嘛, 隔黎課程仲成日開松節水定天拿水, d味攻晒過來. 凍咪著多件衫囉, 都唔明d人點解咁鬼死自私架. 仲有呀, 佢上堂傾偈同講電話多過練字, 咁既行為, 好騷擾其他人嘛.

佢跟而家呢個老師好呀, 有碗話碗有碟話碟, 寫得衰會直接講出來.