網誌分類：外遊記 - 澳門 |
圖片
網誌日期：2008-05-14 21:19
第二天(續)
永利酒店除了室外會噴火的噴水池有定時表演，原來商場內都有定時表演。
商場內見到人群圍住一個金菠蘿，
好奇怪，唔知佢地望乜、等乜，
望真D，原來金菠蘿係座星座圖，
再望上天花板，發現由十二瓣立體生肖組成的半圓球圖案。
突然間，附近的燈光變暗，音樂又響起。
原來係 show time
wow... 好驚喜的show呀!
由天花頂慢慢打開一刻，感覺震撼，
接住華麗的水晶吊燈慢慢降下，
再有棵吉祥樹由金菠蘿打開的位置緩緩升上，
隨不同顏色的燈光影照著，帶出了春、夏、秋、冬四季感覺，
加上音響的配襯，絕對係一個意外的發現，好精采的Show！
參觀完吉祥樹，再前往星際酒店、MGM逛逛。
星際酒店沒有特別，反而覺得MGM的銅獅子好有氣勢，
室內設計規模雖小，但有歐陸風情。
由於第一天路環安德魯餅店的葡撻實在令人回味，
所以決定去附近的瑪嘉烈餅店再食多 Round。
依然係葡撻，雖則撻皮較厚及Size比較細，
不過依然美味!
行行企企，再搵到大堂街炸雞，點了大大件的雞腿。
雞腿外表油膩，不過味道唔錯，比KFC好食。
經過聖母玫瑰堂，再參觀一下。
晚餐於祥記麵家
食完晚餐，再食埋頤德行的豆腐花、豆漿
最後來張團體合照，然後四人飽飽的坐八點幾船回歸。
兩天消遙遊 - 完滿結束!
