天下憂官員唔憂

好日都唔睇方向報的功夫茶，一睇，竟然有一篇幾有共鳴，所以轉貼出來給大家分享。 

建總部話做就做　益市民拖得就拖
11/01/2008

港 府 公 布 ， 正 式 將 耗 資 近 五 十 億 元 嘅 添 馬 艦 新 政 府 總 部 工 程 合 約 批 畀 一 間 承 建 商 ， 遲 啲 就 可 以 開 工 ， 預 計 二 ○ 一 一 年 完 工 。

有 人 話 香 港 政 府 做 事 效 率 低 ， 拖 拖 拉 拉 。 功 夫 茶 覺 得 唔 可 以 一 概 而 論 ， 要 睇 吓 做 乜 嘢 啦 ， 好 似 幫 長 者 加 生 果 金 咁 濕 濕 碎 嘅 事 情 ， 梗 係 慢 慢 嚟 啦 ， 但 係 如 果 關 乎 公 務 員 利 益 嘅 大 事 ， 就 一 啲 都 唔 拖 拉 。 有 辦 睇 架 ， 睇 吓 添 馬 艦 新 政 府 總 部 工 程 幾 快 拍 板 咪 知 囉 。

喺添 馬 艦 起 新 政 府 總 部 嘅 計 劃 ， 係 二 ○ ○ 二 年 董 建 華 做 特 首 嗰 時 提 出 嘅 ， 後 來 因 為 沙 士 而 擱 置 咗 幾 年 。 曾 蔭 權 一 接 手 做 特 首 就 急 不 及 待 將 個 計 劃 提 番 出 嚟 ， 三 扒 兩 撥 就 正 式 拍 板 動 工 。 咁 嘅 效 率 仲 唔 夠 快 ？

煲 呔 曾 咁 急 推 動 政 府 總 部 工 程 ， 有 好 大 條 理 由 ， 佢 話 快 啲 動 工 ， 可 以 為 建 築 業 工 人 帶 嚟 就 業 機 會 喎 。

唔 通 啲 建 築 業 工 人 淨 係 靠 起 政 府 總 部 先 有 飯 開 ？ 煲 呔 曾 喺 佢 個 施 政 報 告 提 出 嘅 十 大 建 設 ， 準 備 掟 成 二 千 幾 億 元 落 去 ， 本 來 可 以 創 造 好 多 就 業 機 會 ， 但 係 港 珠 澳 大 橋 、 落 馬 洲 河 套 區 、 西 九 文 化 區 、 啟 德 發 展 計 劃 等 等 ， 政 府 都 講 咗 幾 年 ， 有 啲 講 咗 十 幾 年 ， 仲 係 得 個 講 字 。 廣 深 港 高 速 鐵 路 同 廣 東 合 作 ， 人 哋 廣 東 路 段 一 早 就 動 工 ， 但 香 港 路 段 連 影 都 未 有 。

咁 點 解 政 府 總 部 又 咁 順 攤 ？ 梗 係 啦 ， 呢 度 係 特 首 同 高 官 辦 公 嘅 地 方 噃 ， 邊 個 做 官 唔 想 有 間 威 水 嘅 海 景 辦 公 樓 ？ 煲 呔 仲 有 五 年 玩 ， 眨 眼 就 過 去 嘞 ， 唔 快 啲 起 好 間 辦 公 樓 歎 番 吓 ， 唔 通 為 他 人 作 嫁 衣 裳 咩 ？ 煲 呔 都 幾 精 ， 嗰 個 計 劃 一 早 就 預 埋 立 法 會 大 樓 ， 所 以 尊 貴 嘅 議 員 都 舉 埋 雙 腳 贊 成 ， 討 論 撥 款 嘅 時 候 冇 人 阻 頭 阻 勢 。

呢  啲 就 係 香 港 政 府 嘅 行 事 作 風 ， 凡 係 益 佢 哋 自 己 嘅嘢 就 雷 厲 風 行 ， 五 天 工 作 制 ， 話 實 行 就 實 行 。 幫 公 務 員 加 人 工 ， 煲 呔 大 筆 一 揮 ， 六 十 億 元 就 入 咗 公 務 員 嘅 袋 。 煲 呔 想 請 副 局 長 同 埋 政 治 助 理 ， 打 造 一 支 曾 家 軍 ， 講 咗 幾 個 月 就 實 行 ， 立 法 會 亦 通 過 咗 撥 款 ， 遲 啲 班 新 官 就 上 任 嘞 。

不 過 ， 如 果 唔 係 關 乎 佢 哋 嘅 切 身 利 益 ， 佢 哋 就 唔 會 同 你 急 嘞 。 好 似 加 老 人 生 果 金 ， 董 建 華 做 特 首 嗰 時 已 經 應 承 咗 ， 但 係 拖 到 依 家 仲 冇 下 文 ， 搞 到 啲 長 者 忍 無 可 忍 ， 走 去 中 環 打 煲 呔 曾 嘅 小 人 。 天 水 圍 有 幾 十 萬 居 民 ， 但 係 一 間 公 立 醫 院 都 冇 ， 居 民 要 求 政 府 起 番 一 間 ， 等 到 回 歸 十 年 都 起 唔 成 ， 食 物 及 衛 生 局 局 長 周 一 嶽 仲 話 十 年 後 先 可 以 考 慮 喎 。

宋 朝 詩 人 范 仲 淹 話 ， 做 官 要 「 先 天 下 之 憂 而 憂 ， 後 天 下 之 樂 而 樂 」 ， 但 係 香 港 政 府 啱 啱 調 轉 ， 佢 哋 凡 事 都 「 先 天 下 之 樂 而 樂 ， 後 天 下 之 憂 而 憂 」 ， 甚 至 「 天 下 憂 官 員 唔 憂 」 ， 咁 嘅 政 府 ， 點 會 福 為 民 開 吖 ？ 福 為 自 己 開 至 真 ！