過節一,二事

聖誕節到友人處火煱, 呢碟燒肉係由上次個靚仔燒嘅! d 皮幾脆！(註: ckk巳破戎 )!不過, 友人80多歲的母親原來在英國巳吃齋30多年了！除了有点行動不便,  其他說話對答如流, 還會體己及人, 知道這裏吃素難, 天氣又凍, 所以建議我們年青的吃花齋便夠.....!

ckk不飲酒, 但拎咗中間兩支酒過來贈慶, 分別是05 及07年份, 眾人都說05 夠甜又較滑, 最右邊是他們買的ice-wine, 加拿大出產, 飲咗少少又幾正, 總之甜甜地,似似地有氣果汁我就飲到架啦!

中間d 唔講了! 一轉又到抽獎時間。咁啱抽到靚仔嗰份！嘩! 咁大袋換我份細細份, 抵到爛啦!  点知摸吓摸吓個底......

撞鬼！原來係大大支兩公升可樂同超大袋薯片.....!  你話啦! 靚仔啦.....有乜鬼用.....?! 咳! 咳..! 重呃咗我份名貴香水氹佢女友....嗚....！

唉~睇吓我當初個'霖'樣 >>！

食飽要做運動。淨睇吓, 我都唔識打, 倒是華文全程聚精會神打雀咁眼學習!

由於時間關係, 好快又要講第日.....

現在請大家跟着唱聖歌....

查實今次係咁啱撞見一位教會朋友, 她說12磅 包coach 和兩餐到O市 一天去！當時只覺十分抵, 又有幾個相熟友人同往, 便即刻報名了！

中午是大量各式baguettes 和茶水. crisps和柑, 都是教友們準備的！樸實溫飽!

再轉鏡頭....又出到市中心。

購物街的shops 已開得七七八八, 也有很多人出來買減價貨。

這古老建築好古舊, 影吓先(可惜個样唔掂!!)

行大馬路時有個摩登女, 影埋!

這才是市中最舊的建築物, 巳有一千年的Church, 在行人專用區旁!

外面是Cafe', 幾寫意！

橫街是一座大教堂, 由于是鴨仔團, 顧得拍照都冇睇名添！

看! 地上全舖了石春！讓人不得不蓮步珊珊了!

遠處有相機閃光, 原來頂層是可付費參觀的。但跟大隊, 冇時間好似上次咁爬上去了!!

唯有參觀地下！我知我知! 呢個post超作狀+娘! 我重叫友人也影幅, 点知佢話 乜d爉燭全部白色嘅.......!

呢度冇HK的璀璨燈式, 沒日本cute cute卡通...,但好有聖誕的平靜安祥氣氛！ 我想「馬槽」只在HK的小學才可能見到了吧！

單純的小女孩在這聖潔的教堂留影!

匆匆跟大隊再到著名的O大學校園一行....

與好友來一合照！

点解要影埋這兩位先生?! 因為他們的裝束正是英國老一輩的衣著典範!

Bhs~有冇人記得HK以前也有這間「天祥百貨」? 响海運大厦!

好快咁又返回去聽道理同食盆菜--雞、鴨、蝦、豬皮.蘿蔔、東菇、腐竹、猪腩...咁上下....！好大兜, 有白飯任裝, 豆腐花, 生果. 茶水等等,  總之實飽! 也是當地教會的一番心意！

很晚才回到家，結束一日輕鬆的行程！

又要草草收筆了！晚安！