網誌分類：貓人貓語 |
圖片
網誌日期：2009-10-31 13:19
星期四 ( 29/10/09 )晚上7點幾
同媽咪行經上水太平村一個公園果陣
見到班細路拎著個紙箱仔, 其中一人手抱著一隻黃白色既貓貓
貓貓2個幾月大度..坐響7-11門外邊......
4 -- 5個o靚仔, 將隻貓傳黎傳去, 你又抱下我又抱下
忍唔住去問下佢地, 佢地話隻貓仔住執返黎, 仲話下午已經執到佢
哇.......咪即係下午玩到而家!!?? 
貓貓原全唔驚人, 抱住自己都唔會走
班細路話佢地會養, 問佢地屋企人批准左未佢地又唔出聲
問佢地有無比過野貓貓食, 佢地話有...望下個箱, 我見到有D餅乾醉響入邊
貓貓有眼水, 耳仔又有耳蚤...睇佢都唔識養.....對住班細路又哄又成
響佢地手上拎走左隻貓仔返到屋企餵佢食飽飽之後就開始同佢洗白白沖涼同捉蚤
貓貓一直好乖, 極度合作, 洗白白, 剪指甲, 吹毛, 就算反轉個身捉蚤都無問題
純到呢.......
就響同佢捉蚤果陣就見到黑色有堆野痴住響佢尾度
開始以為係便便痴左響條尾仔度, 再望真D, 先發現有血水流出
哇......
我都唔係好信自己睇到既野, 拿拿聲叫埋媽咪入黎一齊確定下...
開頭仲以為貓貓係斷尾..... 係就係. 但就係後天果隻囉!
傷口D肉已經壞死, 有D位置都結焦, 但係仍然仲有少量既血水流出黎
同埋仲有個小小既位有D白色既膿....... 哩2日KEEP住同佢消毒情況已經好好多
開始都唔係好信自己隻眼, 仲諗會唔會比狗咬, 但係傷口既切口係齊
我諗唔係比較剪, 就係用刀打斜咁切落去.... 比狗咬既可能性一D都唔高!!!
果班小朋友其中一個打電話比我, 話媽咪肯養, 想拎返隻貓貓
我忍唔住質問佢地知唔知貓貓受左傷, 佢地話唔知
我話貓貓要睇醫生,佢話佢地肯負責, 我話我同佢地一齊去睇
再唔係我拎貓貓睇, 睇完開返單比佢地, 佢地又唔出聲!
一個6 -7 歲既小朋友, 試過又點負責丫!
貓貓好乖好可愛, 點解D人渣咁都做得出!?
D人係咪真係咁無聊? 佢地有血有肉都知痛....
我完全唔敢想像佢比人切開條尾果下有幾痛
貓貓而家仲咁細, 點解要咁對佢 ? 哩D咁既人渣, 我真係望你死全家 !!!
貓貓現時仍響我屋企
到傷口好返D就會比人領養, 好開心領養者一家好期待佢呢
仲幫佢改左名做妹豬
貓貓始終受過傷, 性格會比較細膽, 由其對聲比較敏感
但係熟左佢就開始百厭星, 周圍搵野玩, 搵野咬同搵野食
每日仲跳上我張床度, 用個肚仔向住我訓, 妹妹就訓我側邊
其實都唔捨得佢啦, 難得妹妹都接受左佢
不過唔緊要, 佢之後得到幸福就得嫁勒^^
cats 017.jpg
cats 013.jpg
cats 020.jpg
licolihk 2009-11-06 11:39
將軍澳~遺失迷你型松鼠狗
本人於 2009年 10月26日 重陽節早上 11:45 左右在將軍澳坑口附近遺失一隻迷你型松鼠狗, 男, 淺啡色 (名: 咖啡 ), 有腳患, 須長期服藥. 現本人非常擔心. 懇請求各好心人仕見圖若尋獲請即電 94121788 / 62726404 (24小時) licolihk@yahoo.com.hk / shannon_li@yahoo.com.hk 李小姐厚酬, 感激不盡!
沒有見過的好心人, 懇求請您幫幫手轉寄此郵件給住在將軍澳的親友! 特別居於村屋如~ 將軍澳茅湖仔村、馬游塘村、將軍澳村、魷魚灣村、坑口村、田下灣村 感激不盡! 感激不盡 ! 不好意思打擾 BLOG 主您, 不好意思!
26/10/2009 有途人曾在明德邨近寧路健康中心附近見過牠在徘徊!
28/10/2009 有途人見到牠走入將軍澳君薈坊商場。
30/10/2009零晨5時左右, 有看更見到牠在將軍澳廣明苑範圍小便, 隨即將牠驅趕。
特徵 : 走得快時, 後腿右腳時會縮起跛下跛下的